غير كلام..للشاعر بوبكر بوحويه

من طرف الفهد 2010-09-25, 1:15 am

خلك مالكلام ...ان قتلك درت في اغيابك عزام ....امغير كلام خلك مالكلام

خلك يا احبيب

يا بو قلب طيب يا الطيب

يا البعيد مني يا اقريب

يا جياي ديمى فالمنام

عمري فيك ما شوقي انسيب

وعمري فيك ما نيس اقسام

مهما حط من ظاري وطيب

مهما دق دقداقي ارمام

ظنك في عمري ما انخيب

لك مازلت ولغيرك حرام

امغير كلام خلك مالكلام

خلك خذ الراي

وكون امعاي ما تبقى احذاي

اهناك وحود يا داي ودواي

دواهم داي دبلاجه افلام

ان قالوا دي في ومن وراي

عطيتك علم دوس بالاقدام

وقول عزيز ما يصبر بلاي

وهي الصحيح لا يوم الختام

امغير كلام خلك مالكلام

خلك مالدواوي

فيك العقل مسكاته رساوي

امفيت عليك ما عندا حكاوي

يا بو دور كي ريش النعام

ويا بوعين كي عين النداوي

ويا بو هدب ضلل ع الميام

ويا بو جوف تحتا وسط خاوي

اتقول اظراب داير ع الطعام

نسييتك وين نلقالها فتاوي

او وين انذوح بادموع الايتام

صعيب النسو حتى للجلاوي

يا بال انت مي عشرت ايام

امغير كلام خلك مالكلام

خلك مالاقطاف

ما فكرت لحظه فالخلاف

بلاك العقل يا صايف اصياف

وموش بعيد يلفالا عدام

اجري جري شور دار التلاف

وراك اسببه يا سمح الابسام

تنظر فيه مريوحي ايتراف

امغير عليش قله هالارحام

حتى ان كان في صوبه اتعاف

عند العقل راك صاحب مقام

وماللعيب يعرف شي اسلاف

طبك يا غالي حرام

روف عليه فيه الله خاف

وعد القبر ساعات الظلام

خلك مالكلام ... ان قتلك درت في اغيابك عزام ... امغير كلام خلك مالكلام