قاطع العين لواها >> للشاعر بوبكر بوخمادة

من طرف **جمال المروج** 2012-04-03, 10:40 pm

قاطع العين لواها >> للشاعر بوبكر بوخمادة

قاطع العين لواها >> للشاعر بوبكر بوخمادة

قاطع العين الواها .. اتريد تلتفت غير الجديد أحذاها

قديم أونهو ،،

***

ما عد جرت قسميّه .. ملذوعه بنار قديم ميّة كيّه

اتناوض مع طولت اسنين رجاها

امغير حايسه طول النهار عليّا .. اتقول نا اللى بعّدت زول امناها

***

اظروف اصعاب .. نين خاطرى منهن أرضي لغلاب

قديم وبعيد العين فيه أتهاب .. وجيّها لداره قبل فيه دواها

منفور خاطرى مسّع بياضه راب .. واتلطّش ارياحه فـ السماء معلاها

وقديم وين مايخطر ايدير ضباب .. ع العين نين ما تنظر اللى يالاها

***

الليل اسمور .. خذاته العين وهى ابكاها جور

على اللى ازّاحه م النظر مدفور .. ودونه عربنا طيّبات انياها

عزيز من غيابه خاطرى مكسور .. والعين ذارفه جاب البعيد ابكاها

واللى دار فيك العيب مو مجبور .. يسمر اسمورك كلمته مشّاها

وعطيب العوَامَه مايخشّ ابحور .. وقليل الدباير جلوته اتخطاها

***

ذهب شيرتها .. بأخطوره وان منام فى غفوتها

قديم خالقه مولاى هو حاجتها .. وجديد وينما تبنى ايهدّ ابناها

مطرا العين مطرا قوم فى فزعتها .. كانت لها تاريخ خاوه اسماها

واليوم والفت ركن الطريق خذتها .. ما أتقول شى كانت انجوم سماها

وجدت عرب ماتنقطع جرّتها .. ولاعمر شى قوّال جاب نباها

انكان لمت ما تلتام فى لومتها .. و وقت الشدايد لاورا تلقاها

وهذى الدنيا أمجرّبه بَرمتها .. ماعمر شى دامن ايام زهاها

وان كانهى عطاتك واجده عطيتها .. وان كانهى خذت تاخذ اللى يالاها

هدية لخوي العاشق .... أيش رايك فيها ياالكبير