عزآ عزايـــــآ } عبد السلآمـ الحر ‘‘

من طرف دلع ليبيا 2010-09-26, 12:03 am

عزآ عزايـــــآ } عبد السلآمـ الحر ‘‘

عزا عزايا .. اتسكب على غالى قديم تهايا .. العين فيه ماقبلت

عزا من والى .. اتسكب وسيل دموعها شتوالى
تهايا غنى درات عليه ليالى .. معا نحيبها ناضن جروح برايا
على ديار غافرهن البوم خوالى .. كانن لها ملفا فى التتكايا
عليها خطر مقعدا اعزاز غوالى .. دليف سيلها خرم سدايد نايه

عزا عزوها .. على ماايجو من ناس مارضوها
لااصبرت لاتبعت اصحاب نهوها .. تسكب خفا يابال طالت غايه
غوالى بعد هاذول مااشغلوها .. لاعد ايجو فى حلم لاتمنايا
اتسمر منامى وينما اخطفوها .. تنوظ بالغطا تومى بعد تغفايه

عزا من عزوا .. لامن حظر لامن عزاهم دزوا
العين طالبه فزعت اصحاب ايفزوا .. معا سمورها تاخد الليل اشلايا
لايجاملوا لا ماالنحيب ايكزوا .. مشاركينها فى الحزن والتكدايه
امخوزقينها كانوا اعزاز ايعزوا .. عليها الاتموا بعيد غنايا
انكان اخطفونا نا وهى نهتزوا .. هزة جريد مع ارياح لوايا

ولاقبلاته .. العين العزا فى اللى مضن ياساته
و على ماجرا من هول مانسياته .. هى قبل للى يخادعوا نسايه
ثلاتين سية واربعين شماته .. فيها ومازالت بهم بكايه
اتموج مع فاهق غلا افقداته .. ماعد اطرى لوكان فى سهرايه
العقل ساق رحلانه وهى تبعاته .. ورا ناس مافيهم نشوق ادمايه

ولا ملزومه .. تقبل عزا بارد اوقا عااللومه
العين ناويه تعلن احداد حكومه .. عام وشهر مافيه توقف رايه
ولبس كيف جنحان الظليم احمومه .. وعام حزن لاضحكه ولا تسلايه
ولاحد ايجدد مالحباب اهدومه .. على فراقهم حتى تبان هوايه
وطار نين ينقصعن الليل انجومه .. زينك عزا فى ناصع القطايه

من طرف **بوفرقه** 2010-10-14, 5:41 pm

شكرا على هذا الطرح الرائع

من طرف دلع ليبيا 2010-10-15, 2:19 am

مشكور على مرورك العطر

من طرف اسماعيل ادريس 2010-10-15, 2:31 pm

مشكوره اختي دلع على الاختيار الرائع
وصح لسان الشاعر

من طرف دلع ليبيا 2010-10-19, 8:58 pm

مشكور على مرورك العطر

من طرف الفهد 2010-10-19, 9:18 pm

عزا عزوها .. على ماايجو من ناس مارضوها
لااصبرت لاتبعت اصحاب نهوها .. تسكب خفا يابال طالت غايه
غوالى بعد هاذول مااشغلوها .. لاعد ايجو فى حلم لاتمنايا
اتسمر منامى وينما اخطفوها .. تنوظ بالغطا تومى بعد تغفايه

شاعركبير وكلام جميل وناقل الموضوع اجمل

من طرف دلع ليبيا 2010-10-19, 9:20 pm

مشكور ياخوي الفهد

مرورك اروع من الروعة نفسها

من طرف كوكه 2010-10-22, 10:55 am

الحر شاعر لا يشق له غبار اتحفنا من روائع شعره ولك الشكر

من طرف كوكه 2010-10-22, 11:24 am

احب التمبمى واهلها الكرام وفرحت بمنتداكم المتميز كانت طفولتى بينكم قبل اثلاثين عاما وكان المرحوم روفه معى فى الفصل وكان محبا للشعر وكان من ضمن شعره وهو صغير ودى فى هايج يطنا راس مثنى عمرا ماالحبال هونا والله لازلت اذكرها وانا اليوم عجوز رحم الله روفه واصلح الله التميمى واهلها الكرام وجزى الله المشرف على هذا القسم عنه خيرا

من طرف دلع ليبيا 2010-10-22, 7:14 pm

مرحبتين بيك يااختي كوكة في المنتدى

وماتقوليش عن نفسك عجوز لانك مازال في ريعان الشباب

سن الاربعين لاتعني

ربي يعطيك الصحة وطول العمر

نورتي المنتدى ونورتي قسم الشعر ونورتي موضوعي المتواضع يااختي الغالية

مشكورة على مرورك المتميز