عبرعن وضعك الحالي بغناوه او شتاوه

تذكير بمساهمة فاتح الموضوع :

السلام عليكم ورحمة الله وبركاته

انا اليوم جبتلكم موضوع جميل وشيق

وانشالله يعجبكم وتشاركوني فيه

فكرتي ان كل عضو يخش هنا يكتب غناوة علم تعبر عن حالته النفسية

وبراحتكم الغناوة تكون من تأليفكم اونقل او اقتباس من اي شاعر

المهم انكم تكتبوا غناوة اتعبر عن حالتكم النفسية

كل يوم غناوة جديدة طبعا لان كل واحد فينا حالته النفسية تتغير كل يوم عن يوم

يعني نبي مشاركات متتابعة يوميا

ونبي نشاط وتفاعل من كل الاعضاء

يلا نبدوا

في العقل ياضنا الاجواد....اكبر مكان ديما عندكم

يالقديم ارقد متهنى ....نار بعد نارك ماظنى

نرجى والمرجى في الله ايجيب عزيز انعيش امعاه.

ماني لها مفجوع.. لطت الصوب وبكيتي بدموع.. ديما اتسيرلي..

لوكان ياعزير اتبان .. تمسح ارياف كبدي الذايبه

لوكان ناللي نختار نمشي انجيب غياب خاطري!!!

راجيت ماجيـت مليـت * واجـد وطـول رجـاك
واريت داريـت هديـت * دمعـي ودمعـي فـداك
هويـت غفيـت نطيـت * كي جاب المنـام مدعـاك
سميت صليـت ودعيـت * تصفـي يالغالـي سـمـاك
كفيت جميـت وبكيـت * مااقدرت واعـر خطـاك
صبيت هميـت جضيـت * مااقدرت نتبـع اخطـاك
نابيت و اوميـت مابيـت * تجـاوب جريـح نـاداك
كويت داويـت ماابريـت * علل اللـي انسيتـه وراك
عديت جبيـت حقيـت * مواهيـم شينـة بــلاك
حنيت هفيـت وغفيـت * من بعتـه بعدمـا شـراك
اتكيـت تمنيـت ياريـتن * لقى عزم بيـش ننسـاك
عطيت وخذيت وارضيت * بما غير كنك عطـاك
شديـت قويـت رقيـت * العزوم كي ايست دنـواك
عزيـت رديـت لاقيـت * ياسـك موكـر هـنـاك
شقيت حاييـت وهفيـت * من نـار ياجميلـة غـلاك
ظليـت انتهيـت تهنيـت * تريحت رقت مـا اقسـاك
نسيت كي اقسيت وسقيت * حرفين خاطري من اسمـاك
واطيت دقيـت فكيـت * يابيت ماصار مـن ابنـاك
ادليت رقيـت ماامتليـت * يادلـو قاصـر ارشــاك
غنيت ضميـت طقيـت * على عقل شلتـي معـاك
شتيت والقيت وحكيـت * للنـاس نشكـي بـداك
راجيت ماجيـت مليـت * واجـد وطـول رجـاك..

نسوني لكم نسيان ,, داروا بي جديدين يا اقدم ...

ابرمت فيك عرض وطول .. زعزاعة الخطا يا خاطري

وين ايهف قديم انريب نجبد شي وشي انسيب

يصونن غلا لولاف : انظاري على طول عمرهن

نسيانك من البال ظليمه يا خاطر عالخاطر ديما

في الدنيا ماعندي حظ قهاير نين العمر ايفض.......!؟

الخاطر تمني يوم مع عزيز ويضيع النفس

عزيز هو قرعتى فالناس ...انرايف عليه لايوم لاخره

من غيبت لولاف علي...الليل خديتا مشي وجي

عليها وين ايدير ظلام...اتغونن بكايت لوهام

كمل عمري كله تقهير... اجعل عاقبته تطلع خير

ويش اتريد اتقول بعدها.........؟؟(كذااااااااااااااااااااااب)الخونه قاصدها!

دار قديم خرابا تمت....مامن نوع دبيبه لمت

على من تخطر يا القديم.... اتعقبلى غير امواهيم

قزون بعبرتي مخنوق...بعد عزيز هدي حالتي

الدنيا ماتسوا لاشي....امغير تمقلها ياحي

الراس اقطع تيبس لعروق ... بعدها لا لوعه لا شوق

ياموسع بالك يا خاطر....ساكت واجروحك تساطر

جريتك علي لوهام سبب عماك ياعين نا اللي

كوني نبيكم نبيكم ...غير وايش يوصلني فيكم

نرجى والمرجى في الله ايجيب عزيز انعيش امعاه

نرجي نين ايفرج ربي....غير غلاك انت مانبي

شهاده يالقديم علي....انك غالي وتبكي في

علقيس كان شالت صوت... نقعد انقول هذي دارهم

نرجى والمرجى في الله ايجيب عزيز انعيش امعاه

الواهم ايوهم فيك انتي موش ياعين واهمة