عبرعن وضعك الحالي بغناوه او شتاوه

تذكير بمساهمة فاتح الموضوع :

السلام عليكم ورحمة الله وبركاته

انا اليوم جبتلكم موضوع جميل وشيق

وانشالله يعجبكم وتشاركوني فيه

فكرتي ان كل عضو يخش هنا يكتب غناوة علم تعبر عن حالته النفسية

وبراحتكم الغناوة تكون من تأليفكم اونقل او اقتباس من اي شاعر

المهم انكم تكتبوا غناوة اتعبر عن حالتكم النفسية

كل يوم غناوة جديدة طبعا لان كل واحد فينا حالته النفسية تتغير كل يوم عن يوم

يعني نبي مشاركات متتابعة يوميا

ونبي نشاط وتفاعل من كل الاعضاء

يلا نبدوا

في العقل ياضنا الاجواد....اكبر مكان ديما عندكم

بين الغالي وبين اضلوعا,,,,,,,,,,,,,,,,,نرقد عامين ومانوعا

دنيتنا ترفع واطيح...مافوق ظهرها متريح
ا

اندوخ م البكا وانغفا***وايجي منام نوعا انريدهم

زعلان خاطري م الوقت.. عاكس عليه مايوم سانده

رمشة عين انريد انشوفه كبدي عالغالي ملهوفة

مهناك كيفهم لولاف ولهناك كيفنا الهم حد

عزيز استخسر في منام ونا ماريتا لي ايام

عليكم ننشد كيف الحال ...انسيتونا والله مازال

علي عزيز عندي كبد,,,,,,,,,,,,,,,,,حتي ونا انواري ذايبا

عزيز منقطع طاريه,,,,,,,,,,,,,,,,,,,حتي منام فينا استخسرا

لا مرقد لانوم انريده.....امفيت عزيز يهوي بيده

بلا عزيز ياهواي النوم لو اتجازي مايجي

افهمها راك وحيد العين . عزيز وفارق عالاخرين

متمنيا الدفنه يالاهم ....هلي كيف الروح غلاهم

يصونن غلا لولاف : انظاري على طول عمرهن

اوقات منابت غير اوقات,,,,,,,,, الشيب ايجيبنا لوعات

لوكان في العقاب انروق .. اول العمر ماني امدوره

مستوحد بلا لولاف ....ينظر الله في حال خاطري

يزها جميع مافي القلب ‏‏*‏‏*‏‏*‏‏*‏‏*‏‏* عزيز وين صوته نسمعه
بين الغالي وبين اضلوعا,,,,,,,,,,,,,,,,,نرقد عامين ومانوعا

اوحدي في خلا لوهام .. نبرم انقول خلوني المن

حطيت في مكانا صبر ......عزيز كان مالي دنيتي

صبرت نين صبري قال ...........اصبر بلاي ماعاد ننفعك

م الروح والنظر والعمر,,,,,,,,,,,, نقسم عليك بلي اتريدها

اعذرنى لو يالاك بكيت.. اعذرنى جافونى لولاف .. اعذرنى ياصاحب حسيت.. حنين امقطعنى وارياف ..اعذرنى دمعى داير سيل.. اعذرنى مانرقد فى الليل .. اعذرنى كان ابصوت انشيل .. اعذرنى كان ع اتخاف ..... اعذرنى كان سمرت امعاى .. اعذرنى لو بلحيل بكيت.. اعذرنى نا فاقد مشكاى .. اعذرنى شوف ربيعى صاف ..اعذرنى......

الخاطر تمني يوم مع عزيز ويضيع النفس

ما ديما ضلام وضلم ...ايجن اوقات ياعين وتنفرج

تنهال ياشديد العزم .. العقل لو ايشاكيك بالوجع

يارناد
لو مليت عليك سريبي ....وانتي في مصباك اتشيبي

نوووووووووووسه
الصبر يالعين طبيب .. مشكاك م الغلا زادك مرض

النت يقهر عندي كل اشوي يفصل

حطيت في مكانا صبر...عزيز كان مالي دنيتي

عزيز وقت نوم الناس~~~~~~~~~سريبع ايجي دون خاطري

مو كيف حالنا رايقين .. اللي ايطيبو في نومهم

الليل ايلمدلي وايجيب ...علي عقلي ماغاب سريب

خلاني غلا اللولاف .. غفير ليل من دون العرب