امتحان في مادة الشعر........

امتحان في مادة الشعر[منقول]
جاوب عن الاسئله الآتيه:-
السؤآل الاول
أ_ _ _العين؟
كيف غواليكي نسيوك مريضه في حاله خلوك___؟؟؟
***************************
ب_ _ _ اقدم؟
ماذا لو اقدم ولولك اعذار جفاهم شرحولك ____؟؟؟
****************************
ج_ _ _عزيز؟
اذكرلي بشرح أوفسر ليش عزيز امعايا امقصر ___؟؟؟
******************************
د _ _ _فرقاهم؟
جاوبني وبكل صراحه بفرقاهم تشعر براحه ____؟؟؟
***************************
هـ _ _ _ علل؟
هل وكيف عزيز تركنا بتعليل أراءك شاركنا ___؟؟؟
******************************
السؤآل الثاني:-

يقول الشاعر؟

يلي خطرت علينا __ويلي في نص الطريق رخيت بينا -شن خطرك _ _ _

تذكرنا شن هو ألي بالله فيكم درنا_ _ _

نبشتوا اجروح الموجعه وجضرنا_ _ _

بعد مارضيت بحكم جار علينا_ _ _

وبعد القناعه ولغلا كابرنا_ _ _ _

وتركنا الماضي خلفنا وانسينا_ _ _

ترجع في ساعة زهونا اتكدرنا _ _ _

ونيران ياس اكبار تشعل فينا _ _ _

وبعد اقسام خافيه اعذرنا _ _ _

تنقض أخيوط اخوح وين برينا _ _ _

شن صاير بينا _ _ _

ترا خبرنا _ _ _

وشن هو خطاي امعاك ي جافينا_ _ _

ساولتك ابرب الكون ما تكفرنا_ _ _

وسوال بالحبيب المصطفى نبينا_ _ _

خطا القلب ما تخطر علي خاطرنا_ _ _

ولافي خير ولا في شر ماتطرينا_ _ _

كريم ربنا يمهل
ومايهملنا_ _ _

ولنا قسم كيف الناس مخفي لينا_ _ _


أ_ _ _ استخرج من الابيات؟
1_ خبر
2_ ماضي
3_ذكرايات
****************************
ب_ _ _اعرب كل الكلمات وتفسيرها وتشكيلها_ _ _؟
***************************
ج_ _ _عرف ما معنى الياسات؟ ألي عليا ملتمات_ _ _؟
**************************
د_ _ _الشاعر فاعل ام مفعول؟وفي رايك منهوا المسؤل_ _ _؟
****************************
هــ _ _ _ استخرج من خان المشوار؟ وهات المجرور من الجار ؟
*****************************
السوآل التالث:-
علل _ _ _ ؟

1_ ليش مرادك خانك لاوفا بوعوده لاصانك _ _ _؟

2_ليش عزيز جفانا في حاله شينا خلانا_ _ _؟

3_ليش اعزاز تواروا نسيوا ياما فينا داروا _ _ _؟

4_ ليش البخت عطيب تلاقن ياس وخلوة جيب_ _ _؟

5_ ليش اقدم هفو عالخاطر لين الدمع نازل يتقاطر _ _ _؟
****************************************
التصحيح مش شوري من توا ..............

جاوب عن الاسئله الآتيه:-



السؤآل الاول
أ_ _ _العين؟
كيف غواليكي نسيوك مريضه في حاله خلوك___؟؟؟

غوالي غمو شي صحيح .. غلاهم متحرك كي الريح

ب_ _ _ اقدم؟
ماذا لو اقدم ولولك اعذار جفاهم شرحولك ____؟؟؟

اقدم حتى لو بكيو دم ... على فراقهم ماني نادم


ج_ _ _عزيز؟
اذكرلي بشرح أوفسر ليش عزيز امعايا امقصر ___؟؟؟

امقصر علشان امخليه ... لاتنشد لا اتسال عليه


د _ _ _فرقاهم؟
جاوبني وبكل صراحه بفرقاهم تشعر براحه ____؟؟؟

لا راحه في ابعاد الغالي .. لا نوم ولا يهدا بالي

هـ _ _ _ علل؟
هل وكيف عزيز تركنا بتعليل أراءك شاركنا ___؟؟؟

ماضني عزيز يتركنا .. عارفنا نبوه غيتنا


السؤآل الثاني:-

يقول الشاعر؟

يلي خطرت علينا __ويلي في نص الطريق رخيت بينا -شن خطرك _ _ _

تذكرنا شن هو ألي بالله فيكم درنا_ _ _

نبشتوا اجروح الموجعه وجضرنا_ _ _

بعد مارضيت بحكم جار علينا_ _ _

وبعد القناعه ولغلا كابرنا_ _ _ _

وتركنا الماضي خلفنا وانسينا_ _ _

ترجع في ساعة زهونا اتكدرنا _ _ _

ونيران ياس اكبار تشعل فينا _ _ _

وبعد اقسام خافيه اعذرنا _ _ _

تنقض أخيوط اخوح وين برينا _ _ _

شن صاير بينا _ _ _

ترا خبرنا _ _ _

وشن هو خطاي امعاك ي جافينا_ _ _

ساولتك ابرب الكون ما تكفرنا_ _ _

وسوال بالحبيب المصطفى نبينا_ _ _

خطا القلب ما تخطر علي خاطرنا_ _ _

ولافي خير ولا في شر ماتطرينا_ _ _

كريم ربنا يمهل
ومايهملنا_ _ _

ولنا قسم كيف الناس مخفي لينا_ _ _


أ_ _ _ استخرج من الابيات؟
1_ خبر

يتغلا وما يدري بينا .. نار وجمر امولع فينا

2_

ماضي

كان زها ومراد لعيني ... وكان مكانه وسط كنيني

3

_ذكرايات

العمر اللي قضّيته معاه ... ايشق الارض وما يلقاه

ب_ _ _اعرب كل الكلمات وتفسيرها وتشكيلها_ _ _؟

وين واجد خليها مرة اخره !!!!!!!!

ج_ _ _عرف ما معنى الياسات؟ ألي عليا ملتمات_ _ _؟

الياس انكان سهيت عليه ... ايسود عليك وتحصل فيه

د_ _ _الشاعر فاعل ام مفعول؟وفي رايك منهوا المسؤل_ _ _؟

الشاعر يروي في حكايات ... ويحكي عن نفسه مرات

هــ _ _ _ استخرج من خان المشوار؟ وهات المجرور من الجار ؟

اللي خان المشوار اجفاه ... اتجيبك ليام وتنساه

السوآل التالث:-
علل _ _ _ ؟

1_ ليش مرادك خانك لاوفا بوعوده لاصانك _ _ _؟


2_ليش عزيز جفانا في حاله شينا خلانا_ _ _؟

3_ليش اعزاز تواروا نسيوا ياما فينا داروا _ _ _؟


4_ ليش البخت عطيب تلاقن ياس وخلوة جيب_ _ _؟

عطيب البخت اللي يستسلم ... كان وحل ما ايحاول يسلم

5_ ليش اقدم هفو عالخاطر لين الدمع نازل يتقاطر _ _ _؟

هفو ع الخاطر لي انه ... فالخاطر ما طلعو منه

شكراً على الموضوع

وسمحوني لو الابيات غير منسقه لأنها تأليف فوري (( تأليف وقتي ومساعده خفيفه ))

أجابة رائعة .....
لك كل الشكر على التفاعل وربي يحفظك ...........