حــــرب بيــن القــديــم و الجــديــد ....

تذكير بمساهمة فاتح الموضوع :

عندي بعض شتاوي وغناوي العلم ع جديد والقديم

ابدي بالغناوي العلم:

مكسور خاطري من قبل مشوا عليه بشواش يا اجدد

بها فرحت نين بكيت طروالي قديمين ينشدوا

قديم كي لفي سوال تمسك عين عامين لاورا

لو كان يا قديم معاك انظرات خير ما دارت اجدد

نسيت بالقديم نطقت احذا جديد وجعته بكا

سفيت علي قديم رديم وان قصر جديد هو زاد نردمه

بالموت ما دعيت عليه اجعل قديم لا مال لا ضنا

هالب انريد جديد عيط قديم رديت لوراه

لنظار في جديد اعلقن قديم ما خذا غير سواهن

درت جديد ضاع قديم رديت للقديم ضاعوا كلهم

طروك يالقديم خطرت جضيت بك ياما بينا

من ناره قديم رميت يجاروا تلافوني اجدد

يطالب يريد غيار غلا قديم ميجاله هلب

غلا قديم وافي الكيل رادحات له موازين خاطري

وهذي بعض الشتاوي :

اتصدق مايصدقها حد /اقدم شالوني شور اجدد

يالقديم الله لا ايردك/ ماني ملك البوك وجدك

قديم انسيني لكن طز / جديد امعيشني في عز

جديد اديره في شان ايش / قديمك مازل اتقوليش

اجري جاي اجري يالجديد /لنكان مكان قديم اتريد

ايامي عدن يالقديم/ الدايم وجه الله كريم

ننساه قديم وينساني / ينطق فيها غير الساني

تربح يالقديم وعدي / ماملي راحت من يدي

حملنا يالقديم بلاك / القينا غيرك ونسيناك

برين يالقديم جروحك / ماتبكي غير علي روحك

الخاطر ماجبه تلويم / انقول جديد ايقول قديم

يالقديم غلاك شطبنا /رانا شور جديد هلبنا

يالقديم ايش معقبلي غير اوهام عجاج وقبلي

بأذن الله قديم انرده /حتي كان غيري عده

صوب جديد علينا لافي / نسنا لأول وجافي

يا الجديد قديم اعلمها /ليمها كي مااتليمها

خلاص درنا للعين جديد /غلا يردع لأول ويزيد

وانشالله يعجبوكم واي حد عنده قصائد ع الجديد والقديم مايبخل علينا

ننضر قديم فيد الغير حسوفه وفجعه وكاينا

كان قديم نشد قولولا قاعد وسك القلب ابطولا

مشكوووووووووووووووووووووووووورة بارك الله فيك

دار قديم قصفها الناتو ..واللي كانوا فيها ماتو..

يالقديم الله لايردك كيف صوابع سيف انعدك

حتي والجديد اطعمه العقل جادوب القدم

جماعة القديم قالو
حتى والجديد احذاى ... قاطع الواى مازال لولى

قديم طارحك يانار ... منين مانحاذيه نلتذع

امرايف وجاه منام ... العقل دار ليلة ع القدم

جماعة الجديد قالو
خلاص ما اتريد قديم ... غلا جديد عينى صوقرت

العين ماجديد اعمدت ... لوكان لاقية خير فالقدم

يالجديد غلاك خـذاهن ... حطيت أيديك علي داهن

وبالنسبة لرأيي الشخصي أنقول
السم مداواته بالسم ... جديد ينسيني الاقدم

برين يالقديم اجروحك ... ماتبكى غير على روحك

واللي مستعد للحرب يدخل ويشارك
القديم في مواجهة الجديد

برين يالقديم اجروحك ... ماتبكى غير على روحك
بارك الله فيك

قديمي نا ماكيفا حد جرحني جرح كبير ايهد

يالجديد خلاص اسمحلي قديمي من الجبهة روحلي

فرضت يالقديم خطاك ,,,,,,,,,,,,,,ابروحك بعد وااااااااااااااااجد غلا

كان قديم ايريد العودة ....قولوا مرحب بالجودة

ودك غير تشيل بلكه *** فوق قديمين وتهتكهااا

اماسك شين بين استار وزهرتنا

يربح كان قديم انسيني ماملي قاعد يبيني

اللـه لايـــردك يــالـقــديــم .. كان الدوه بـتلويــم

طلقت يالقديم امعاي منشاب نار والقبالي يصهدن

يالقديم الله لا يردك مانا ملك لبوك وجدك

الله لايردك يالقديم... امعاك الخاطر عاش ظليم

تحشم يالقديم اشوي خبر شين الي درتا في

خطم قديم من يالاي صبيت قلت الدنيا فارغا

قويا يازهرتنا

عارف ليش قديم انجن لقاني فيد ايدين احنن

الله يقويك.
نبى نبيعه بربع جنيه ... قديمى من يبى يشريه

حتي بلاش انعطيه قديم مانريدلا جرر