حــــرب بيــن القــديــم و الجــديــد ....

عندي بعض شتاوي وغناوي العلم ع جديد والقديم

ابدي بالغناوي العلم:

مكسور خاطري من قبل مشوا عليه بشواش يا اجدد

بها فرحت نين بكيت طروالي قديمين ينشدوا

قديم كي لفي سوال تمسك عين عامين لاورا

لو كان يا قديم معاك انظرات خير ما دارت اجدد

نسيت بالقديم نطقت احذا جديد وجعته بكا

سفيت علي قديم رديم وان قصر جديد هو زاد نردمه

بالموت ما دعيت عليه اجعل قديم لا مال لا ضنا

هالب انريد جديد عيط قديم رديت لوراه

لنظار في جديد اعلقن قديم ما خذا غير سواهن

درت جديد ضاع قديم رديت للقديم ضاعوا كلهم

طروك يالقديم خطرت جضيت بك ياما بينا

من ناره قديم رميت يجاروا تلافوني اجدد

يطالب يريد غيار غلا قديم ميجاله هلب

غلا قديم وافي الكيل رادحات له موازين خاطري

وهذي بعض الشتاوي :

اتصدق مايصدقها حد /اقدم شالوني شور اجدد

يالقديم الله لا ايردك/ ماني ملك البوك وجدك

قديم انسيني لكن طز / جديد امعيشني في عز

جديد اديره في شان ايش / قديمك مازل اتقوليش

اجري جاي اجري يالجديد /لنكان مكان قديم اتريد

ايامي عدن يالقديم/ الدايم وجه الله كريم

ننساه قديم وينساني / ينطق فيها غير الساني

تربح يالقديم وعدي / ماملي راحت من يدي

حملنا يالقديم بلاك / القينا غيرك ونسيناك

برين يالقديم جروحك / ماتبكي غير علي روحك

الخاطر ماجبه تلويم / انقول جديد ايقول قديم

يالقديم غلاك شطبنا /رانا شور جديد هلبنا

يالقديم ايش معقبلي غير اوهام عجاج وقبلي

بأذن الله قديم انرده /حتي كان غيري عده

صوب جديد علينا لافي / نسنا لأول وجافي

يا الجديد قديم اعلمها /ليمها كي مااتليمها

خلاص درنا للعين جديد /غلا يردع لأول ويزيد

وانشالله يعجبوكم واي حد عنده قصائد ع الجديد والقديم مايبخل علينا

عاشور بوجازية:
حتى كي عليه جنحت جتني قديم ناره جاردة

في عازة غلاهم بتت **وباتو اقدم في عازتي

ايقــــلب في كـــبدي تقليـــــب &&& قدـــــيم وحظـــــي فيـــه عـــــطيب

كبــــدي يا لقـــــدم عليكـــم &&& ذابـــــت غير القـــســـم اخطـــيكـــــم

ايــــــش انديرو لك يا القـــــديم &&& ظلــــمت ودرنـــــــــــاك امظـــيلــــــيم

هـــــك وهـــك قـــديم قلـبها &&& كـــبـــدي عالـــنــار وسيـــــــــبــــها

ايــــــش اينســــــيكم يا لقـدم &&& قرابـــــة في الجـــــيرة والـــــــــــــدم

ما لنـــــــظار امعاه تخــطــن &&& غير قديـــــــــــم اقســـــــامه لــــــــطن
////////////////////
انريد القديم ايعلم ..... دورت جديد ويضوق الوجع
ايجيب ما ايجيب القسم ..... واخذ اقدم ما ايجيب كيفهم
لو كان كسر لا يمناه ....... دقدق قديم فينا كل شئ
بكانىجديد اليوم ..... ينشد عليش خانوك القدم
نمشيلك انجى بريان ...... دواى فيك يا دار القدم
يسارب قريب ايضيع ..... العمر بين لوهام والقدم
حتى لو بجديد امطرت ...... ما زالن ابروق القديم ايخايلن
الغيرى قديم الصوب ...... لقسام دودشنه دودشه
ملذوع من قديم انخاف ..... نقرب جديد منا نلتذع
تكره العين فى لوهام ......من خوف امهاياه القدم
ولكم الشكر والاحترام اخوكم طيب ليبيا

مشكور على هذا الطرح الرائع جداً

اذا راى احدكم من أخيه ما يعجبة فليدع له بالبركة **
اللهم زدنا ولا تنقصنا
واكرمنا ولاتهنا
واعطنا ولاتحرمنا
واثرنا ولاتوثر علينا
وارضنا وارض عنا ***
اللهم احسنت خلقي فأحسن خلقي **
للهم اتني الحكمة التي من اوتيها فقد اوتي خيرآ كثيرآ...

اتصدق مايصدقها حد /اقدم شالوني شور اجدد
******************************

السلام عليكم ورحمت الله وبركاتة
*( اللهم اني اسالك الجنة واستجير بك من النار )*
*( اللهم فقهني في الدين )*
*( اللهم اني اعوذ بك أن اشرك بك وأنا اعلم واستغفرك لما لااعلم )*
*( اللهم انفعني بما علمتني وعلمني ماينفعني وزدني علما )*
ولكم مني جزيل الشكر والعرفان
********اخوكم طيب ليبيا *******

وانشالله يعجبوكم واي حد عنده قصائد ع الجديد والقديم مايبخل علينا
وشكرن لكم اخوتى الكرم على المتابعه

كل شي ينكسر و يبرى *** إلا كسرة الخاطر مصيبة غبرة
عيني عالصبر مربيها *** غير معاك وحلنا فيها
الخاطر يا كامل الأوصاف العالم طاف مثيلك في الدنيا ما شاف

وانشالله يعجبوكم واي حد عنده قصائد ع الجديد والقديم مايبخل علينا
مشكور اختى شبيه القمر على المرور الجميل

بكانىجديد اليوم ..... ينشد عليش خانوك القدم
نمشيلك انجى بريان ...... دواى فيك يا دار القدم
يسارب قريب ايضيع ..... العمر بين لوهام والقدم

عزيز هو ربيع العين ?? رفيق عمر محال ينتسى
زعلان خاطري عا الوقت ?? عاكس عليه ما يوم ساعدا
العقل ما نسيهم يوم ?? مرايف على طول يأسهم
سريب غيركم ما جاب ?? الخاطر على طول ما فكر
العقل ما نساكم يوم ?? حتى فى صلاته تخطروا
حتى كان زعاله عدو ?? تكويهم ناري وايردوا
العين ما نست مرهون ?? وفي الحول مرة تشبحه

وين انقول خلاص انشطب .... نلقى فيه قديم ايحطب

حلال ياجديد عليك @ عقلى أن طلته مالقدم

شكرا لتشريفكم متصفحي على الدوام وهذا تقدير منكم وكم يسعدني تواصلكم على الدوام دوما" تقبلوا مني أرق التحايا دمتم بكل الود والسعادة

مشكور

شكرا لتشريفكم متصفحي على الدوام وهذا تقدير منكم وكم يسعدني تواصلكم على الدوام دوما" تقبلوا مني أرق التحايا دمتم بكل الود والسعادة

تستاهل ابكا ديما....سهراية غلاكم يا قدم

ردي لاورا يا عين ... من دور القديمين سادنى

لازهت لاراقت امرايفه عليك ياعزيز اشتاقت العين حايسه[b]

كان نسيت قديم انتوب ألي جتني واجد مالصوب

شكرا علي المرور الدائم

بخلال من ايدين جديد #
طقيت ياقديم افو اهقك

العزم ألي داروه اقدم إيجينا يوم انديروه ألهم

زهرة اللوتس كتب:العزم ألي داروه اقدم إيجينا يوم انديروه ألهم

على قديم صبح وليل ...... اوحلت في دموعي يدرفن

يا القـديم امغير ايمتا ....تبرم ع العين تسكتا

متقاوي معاي مرضى .......................واخطروا القديمين زادني

اللي في الظلام اتبان........................ اطلق امعاي قديم كيفة

زهاهة قديم ايام...... اوبكاها على طول عمرها

يالقديم اشقا بحوالك درت صوب جديد بدالك