.....عنـــد كـــش كــــرت مـــنـــام .....

عندكش كرت منام ** بالله ابعثه راهو رصيدي تام ** قتلني السهر

لـيـل طـــــــويل ** ما يقـصـره لا كـرت لا تـحـويل

قاعد ابروحي في عناي انشيل ** خارج نطاق التـغـطـيـة لارقـام

لا مسج لا نطمع بـجـي رسـيل ** انحرقت الشفرة وكاثرا لاوهام

عندكش كرت منام ** بالله ابعثه راهو رصيدي تام ** قتلني السهر

ابـعــثـلـي كـــــــــــــــــــــــــرت ** لـيـلـي اطـاول يا رفـيـق احترت

اللتمن علي قديش قبل صبرت ** ايـام الـغـلا كان الرصـيد اجمـام

واليوم خيروني درتها واخترت ** بعث من شراني غصب ما نلتام

عندكش حتى اجنيه ،، لي ابعثه بالك النوم ايجيه

نلقآنّه الخاطر النوم اجفيه ،، والجوجي اهرود اتقول مج اسهام

ابعث اجنيه ونص ما اتعبيه ،، مش كرت كامل يارفيقي تام

عندكش كرت منام ** بالله ابعثه راهو رصيدي تام ** قتلني السهر

راهو رصيدي جايف ،، نبي كرت عشرة يا ابعثلي فايف

مني النوم عليش كيف الخايف ،، هايب الخاطر ما اغمضن لميام

يا بو رفيقي السرب راهو عايف ،، اجفوني اثقال وما اهناك منام

وبو ريان ما يبعث اتكون طرايف ،، فاقد الشئ يعطيه قرض اجلام

امغير احسبونا لو القيتوا طايف ،، يدلل ابّاقة ملكروت احلام

دز كرت صراحه...يدواى وجع قلبى ونزف اجراحه

يايطيب ولا يموت فى مطراحه...نفتك من قولت الشىء اقسام

ماعاد عندى عندى للاحزان مساحه...تعبت الشفره والجهاز اجمام

واصل لوفر لود Over Load بعد طياحه...وين مانمسه اديرلى لارم Alrm

تقييم الخساره لقيت فيه فداحه...موح وجدار ويأس وانعدام

خشوش البحر يبى خبير ملاحه...ونا خبرتى فى البر بوحوام

عندكش كرت منام......بالله ابعثه راهو رصيدى تام...قتلنى السهر

عندكش كرت منام ** بالله ابعثه راهو رصيدي تام ** قتلني السهر

كرت يجي ...............ينزل هذب العين تنسي الضي

اترقد براحة وماتحس بشي ....تنسي جراحه بو هذب هدام

عندكش كرت منام ** بالله ابعثه راهو رصيدي تام ** قتلني السهر