لعبة بيت العيله

السلام عليكم..

عندي لعبة شفتها باحد المنتديات وان شاء الله تعجبكم
و اللعبه هي ان كل اعضاء المنتدى يكونون اخوه في بيت واحد

سميت البيت << بيت العيله>>

مثال 1

واحد يقول وين تليفوني طلعوا تليفوني
نبي نمشي

والاخر يقول تليفونك عندي مانيش معطيه نين تعطيني مفاتيح سيارتي


تخيل كانك في بيتك وشوف وش اللي يصير

اللي جيعان

واللي عازم واحد عنده

والبنت اللي تبي توكس وجالكسي من البقاله ولا اندومي وخوها غم عليها

واثنين تعاركوا مع بعضهم على اي شي


وهكذااااااااااااااا

ان شاء الله مفهومه

نبي الكل يطلع اللي في راسه هناااا بس في حدود الاخوه والاهل لا اكثر



يا الله نقول بسم الله


مافش حد راعى كندرتي
نبي نطاع وين الكندره

كنك تعيط أنت

و اللي راقد ماتهنيه

كل يوم تبي تطلع صوتنا عشان كندرتك!!

خوذ كندرت الامبراطور وعدي وبعد ماتجي

أمسحها وردها في مكانها ودير روحك ما لمستهاش

لا لالا
الامبراطور توا ايديرلي قصه فكينا منه
المهم خلي الكندره عنك
ماحد شاف كتابي كان علي الطاوله
اللي في الصاله

كتابك خذيتا نحسابه متاعي ومش عارفه وين حطيتا تقريبا في دار البنات
ياجماعه راني جيعانه والتلاجه فايضيه حد يمشي يجيب خضره خلوا محمد عبدالجليل يديرلنا حاجه ناكلوها

ويش درتولها الخضره اللى جبته امس حلكم كليتوها اكيد من المتميز نازح زرادى على احسابنا توا من فاضى كذا يا مريم درينا قهوه امعاى واحد بس ابسرعه اوفكينا من النوعسه

باهي ياحميد تاخذ كنرتي وتلوطها علي تو نوريك المهم محمد عبدالجليل اليوم عازم واحد من خارج المنتدي ونبي احسن عشاء وانتي ياقطر الندي نظمي المربوعه

هيييييييي انتي وياها صبن لمن امعاي الحوش شنو هذا

مافي حد معاي غير انا و محمد عبدالجليل من الصبح في الكوجينة

اسمعن راني درت داله وكتبتها في ورقه وعلقتها على باب التلاجة

صبي يا قطر الندى و روز اليوم دالتكن و انت مسلسلات تركيه واطياح

وانت يا سيد عبدالله بنت شخاشيرك دوختنا ارحم بيك ديرلهن حل

ما فيش داعي تتعبوا ارواحكم مافيش غاز تريحن يابنات توا انجيبوا أكل جاهز للعزومة بس شن هو

جيب رز بالخلطه واشوي موالح بيتزا و بطاطا امبطنه و سلطات
وانت يا عبدالله معش تعزم نين اتقوللنا

افرحن يا قطر الندى و روز تريحتن من المواعين

والله لا يغيبك يا كابتن

أكل جاهز
جيب أي حاجة فيها تباسي شك ولوح

لان اليوم دالتي في غسل الصحون

واااااااع يالكابتن راهو نسيب الحوش

هذا ولله تلاقوني منتحرة

كل يوم أنا اللي نغسل يابنت المنطقه

حسيت بروحي زي سالي ولله سندريلا

السلام عليكم
هلبكم احسن جو ع البحر
بعدها يا الامبراطور كنك اتهزب راهي بعشره جنيه

والخضره والله ماريتها

المهم اي واحد يسئل علي منيش قاعد نبي نرقد

انت دائما تحط فينا فى مواقف محرجة تقول لما يسال على حد مش قاعد وبعدين لما يطق الباب تطلع .. كذا والنبى يالمهندس او الكابتن شوفلكم معاه حل ..مى لمزينى

اصلاً انتي من قالك تطلعي والله نلقاك بره نوريك
كان مافيش حد من الشباب ردن بالكن وحده تطلع للباب

مي المزيني خلي خوتك عنك وعدي اقري الورقه اللي على باب التلاجة بكرا دالتك يا حنه

وانتى ياللي اسمك روز كنك ماساعدتي قطر الندى بطلت وهيا اتلم في تباس الخط ولوح واحكك المشروب

قلب العروبه جبلنا لحم بكرا ماعندنا بيش انديرو الغداء

أسمعو ياشباب ويابنات اللى يبى يعزم اليوم اللى يبى يزرد جوكم الحاج موش قاعد هيا أفرحو جبت خضره من سوق الاربعاء ونبى أندير لكم أكل تأكلو منه أسبوع وعليش الهرجه هذى كلها بس واحد أيقول جيعان أنوريه هيا تعالو شوفو شن درتلكم .......... بسم الله... شربه ليبيه +شربة عدس +مصارين + رز بالخلطه+بطاطا أمبطنه + وكفتة خضره+ وكباب فى الكوشه +وتشكيلة سلطات ملى اتحبوها +أمصير +.. ما تخافوش كل واحد درتله الاكله أمتاعه ونقصت الملح والحار يعنى مافيش مشكله حتى خوتى المرضه يقدرو ياكلو ... عمومآ زى ما قلتلكم تغدو وحطوه فى التلاجه .. وانا ماشى رحله أسبوع وجايكم .. أه ما تعطو حد لاجيران لاشى فكونى من المثاليات حرام ما حرام أيوه حركات الضمير ما ياكلها حد الا انتو خلاص مايقعدلكم شى دورو من يوكلكم .. اه يابنات أفرحن مافيش غسل امواعين جبت تباسى شك ولوح السياره عبيتها عشان نفتكو كل وحده اليوم موش دورى تريحن ... أوكى ماشى

واعي المتميز ايجيب اقيس قومامه علشن انحطو فيهن تباسي الشك ولوح وانت يامحمد بعد المره جيب الحاجه كامله تعبتي خوتك

صباح الخير
كيف ؟؟؟؟؟؟تبوا شكاير ايش تبوا فيهن......ريحونا
بوبكر تعال نقولك حاجه ايش رايك نمشو نجيبو شكاير ومنها نولعوا سباسي بس متخليش قلب العروبه و الكابتن يفطنولنا اصلا شكين فينا ندخنو تمام
باهي جيبوا الفلوس توا نمشو اي واحد يبي حاجه مالسوق يقوللنا

المتميز جيب معاك وانت ماشي كرت ريفي راك تنسي علي
يابنات نطلب منك طلب وحده منكن تلم داري

هااااااااااااااااااااااااااااااااو (نثاوب يعني)
اممم صباح الخير الساعه كم توا
فطوووووووووووور يابنت

خطرنايوم واحد انتو اللى تجهزولنا فطررررررررررررررونا بعدها مفيش حليب ومحلات المنطقة مازالنامسكرات وبعين بعد (( تثاوب)) حط يدك على فمك والله حتى هذه نعلمكوك فيها .. مى لمزينى

حمودي نديرلك فطور بس
تاخذني بعدها لمريم نهدرز معاها شوي
من زمان ماشفتها

هييييي انتو خلاص خلونا نقروا ايش الدوشه اللي دايرينها وانتوا ماتخلوا حد يقرا الشباب كل واحد يطلع والارقدوا خلونا نقروا

يابنت المنطقه طلعيني منها الداله لعند مانكمل امتحاناتي وبعدها ماعليكن ناخذ اسبوع شوري المواعين مادام شك ولوح
قطر الندى بعد مايبدا خليل وميرنا عيطيلي راهو يهلبني انوريك

مشكورين علي الوقف الراجل اللي عزمته اعجبه العشاء وتو راني جاي من العمل ودايخ نبي نرقد وانتي يابنت المنطقه واعيني علي العصر

اي مرقد ياخر صبي اوقولي انت اللي غضيت مني رصيد
ياااااااااااااااااااااهووووووووووووووو في واحد منكم بارم على رصيدي منوا واللهي انوريه اوبعدين من من البنات قلتلها اتحددلي سروالي لسود
اعطب عليها التحديدات
المميز وبوبكر جو من برا اسمعت انهم ايدخنو واللهى انوريهم

اوي ايش الجو
هاكي الشكاير يابت...
الامبراطور مفيش كروت {بيني وبينك في كروت لكن ماعطنيش افلوس}
للقانا نمشو قاعد برا وقت ما يوتا الغداء عيطولي

ايش صار في الغداء ياهووووووووووووووووووووو راني جيعان ونبي نرقد

انت قطر الندى انا سيارتي واقفه حاطها في الورشه حتى الجامعه مامشيتلها توا ياخذك الامبراطور لمريم

بنت المنطقه واعي خواتك ايسكرن الرواشن الجو عاجج بعد العصر تبن اتسيقن مفيش امياه الجابيه اتصفر واعي امعاك المثقف او الامبرطور امكملينه مرقد ايوصي علي طريق امياه تحياتي

تعالووووا حزوا ياهوووو


المثقف يضرب في المتميز
لانه سمع عن قصة التدخين

يارب مايشم فمه

يستاهله ماحد ايحز عليه قتله فكنا من الدخان لكن هو مايسمعش
وكلمت الكابتن ووصيته علي امياه

معقوله وعيت بروحي ومافيش حد واعني تو نوريك يابنت المنطقه عابي عليك طلعتي علي الابيض وفكنا يامحمد صلح سيارتك وديها انت نبي نقعد علي النت شوي

انتن يا بناويت الايام هذه كلكن اطياح لا مواعين لا شي
بكرا حمله على الحوش

وانتم يا شباب اللي عنده حاجة تبي غسل ايطلعها بكرا من الصبح مولعه الغسالة عالدبش

وانت يا المثقف ادبشك اللي يبي تحديد طلع في مره وحده مش كل مرة جايبلنا حاجة عقابات الليل وتقول حددنها ليا توا

وانت يا سيد عبدالله واعيتك الف مرة لكن يا سااااااتر على ثقل نوم

وانتى يلي اسمك موون انشوفك طالعة من الدار اتشوفي لا ميرنا وخليل لا قصر العطاب اشقي بقرايتك خير مانقولها للكابتن ايجي يصرف معاك

وروز وين؟؟ مازالت ماجت من عيادة الاسنان؟؟ شدقها وارم اليوم من السوسه
مشت لدكتور السنوسي تبي تقلعها
عدي يا محمد صالح جيب خيتك وانت مادرتلنا حتى مصلحه صبي فز وفي طريقك جيب لاخرى اللي واخذه وجها عند مريم من الصبح قطر الندى

طق طق طق
كنكم ماتحلو ضروري انصبي ساعه عالباب
مش عارف العائله الغريبه
هيا يابنت المنطقه عطيني النت عندي عليه شغل
وانتي ديما قاعده عليه حتي الباب ماتحلي فيه