لعبة بيت العيله

تذكير بمساهمة فاتح الموضوع :

السلام عليكم..

عندي لعبة شفتها باحد المنتديات وان شاء الله تعجبكم
و اللعبه هي ان كل اعضاء المنتدى يكونون اخوه في بيت واحد

سميت البيت << بيت العيله>>

مثال 1

واحد يقول وين تليفوني طلعوا تليفوني
نبي نمشي

والاخر يقول تليفونك عندي مانيش معطيه نين تعطيني مفاتيح سيارتي


تخيل كانك في بيتك وشوف وش اللي يصير

اللي جيعان

واللي عازم واحد عنده

والبنت اللي تبي توكس وجالكسي من البقاله ولا اندومي وخوها غم عليها

واثنين تعاركوا مع بعضهم على اي شي


وهكذااااااااااااااا

ان شاء الله مفهومه

نبي الكل يطلع اللي في راسه هناااا بس في حدود الاخوه والاهل لا اكثر



يا الله نقول بسم الله


مافش حد راعى كندرتي
نبي نطاع وين الكندره

السلام عليكم ايش اخباركم كنكم ايش ساير للحوش وكنك تخطبوا كلكم نا جاي تعبان ونبي نرقد ماحدش يوعيني نين نوعا بروحي

يا المهندس وين الرقم مش قلت نجيبه بعد مانجي من الجامعه اهو جيت لا مجاوب ولا جايب الرقم تهز في راسك وخلاص هدا اللي شاطر فيه والله انبص عند الكابتن والمثقف ليا يومين نعيط ياهوووو اليوم خميس خلاص امتحاني يوم الاحد عدو جيبوا الرقم اليوم واللي يجيبه ياخذ جنيه رصيد

ابعثلي رصيد تو نمشي يلا بسرعه

لالالاعلى من تضحك عدي جيبه وتوا اندزه لك وانت في المدرسه

هيا موون غيري ادبش توا ناخذك انجيبلك رقم الجلوس

وانت يا الامبراطور انت والمتميز تعالو اليوم في العشيه للعياده
في بضاعة جايتني نبيكم تساعدوني خير من قعدتكم في الحوش وتناقرو مع خواتكم

وانت يا بوبكر حنتوش شنو قصة الدخان اللي سمعتها؟؟؟؟؟؟

انتي يامووون من اللي يهز في راسه بعدين الرقم جبته وكلي ربك
راهو في جيب القميص الاسود في المربوعه

شكرا يا اسنيس
وانت يا المهندس كنك ماقتلي من بدري موش فتحتلك الباب وانت جاي

ريحنا يادكتور مش وقتك عدي اجرلك مصريين وديرلك حل الا نا ماتفكرش في بكل

صبي انتي يابنت المنطقه لامي افراش قلب العروبه قاعد في النص الدار وحلي امعاك الروشن خلي الدار اتهبها الريح وقولي لدكتور اسنيس ايجيب امعه دواء حراره للمثقف اقريب ينحول

وكنه قلب العروبه مايلم افراشه ابروحه
ولا امغير نحنا اللي انلمو في افراشتنا
بنت المنطقه مش فاضيه تغسل في الدبش

نبو ناكلو ياهو جواعه ديرولنا وكله بعد بكره عندي متحان
متحقوش في اليوم رازن لكن سع نمعيللكم را
يالمهندس ولا اي واحد منكم يشرحلي مادة الاحصاء ونتوا ديمه تقرو لكن شكلكم ع البيض

حميد شوفلك المهندس يشرحلك عليش اسمه المهندس

باهي باهي لما نفصا توا نشرحلك مع انها ماده ثقيله شنو انجليزي المنهج ولا عربي ان شاء الله الانحراف مفيهش

حميد كان المهندس ماعرفش شئ
قولي راني في الخدمه لكن احصاء لا لكن مقربه من مادة تصميم مش مشكله لان المهندس
عارفه يتهندس مغار علي الموبايل بس
ياالمهندس عادي ارقد ولا عدي المحل جيبيل كرت بسرعه

نشتغل عندك عدي ابروحك

هوهو تو نمشي نا نا طالع طاللع
وانت ياالمهندس كنك تعربد عليش قاعد في الحوش اطياح عادي حل المحل

عندي امتحانات منيش فاضي حله انت نبي نلعب بلاي استيشن

نلعب معاك بلاش منها لقرايه
ياحسين شوفلي معاك سباسي مارلبورو حق جنيه
بعدها كنكم معا المهندس ديمه تهزبو فيه خطوه خيرلكم
واشقو بخواتكم هن الي مرقدات وخلاص

المتميز انت عارفين عدوي اللي تنرفز علي طول والمهندس ابسرعا مايتنرفز
المهم اقرا وبعدين تو نطلعوا المهندس من الدار ونلعب وناخذوها صباحي

ولد الشغاله نا ديما اتهزبو في
واحد ايكلمني انقولها للكابتن
اطلعو من راسي احسنلكم
وانت يا امبراطور توا اتشوف
المعامله جبته لروحك

هووووووووو انت وياه صوتكم واصل لعند الجيران


بلش فضايح حرجتوني مع بنات جيرانه يسمعن في عرايكم

وين قطر الندى قالت نبي اندير الغداء اليوم؟؟؟؟؟؟؟؟

شئ قطر الندي ومحمد عبدالجليل متفقين اليوم ايدرولنا محشي علي الغداء غمو علينا جيت من العمل لقيت الغداء خفيف

من بنت المنطقه متبيش اتسوي خايفه من النت ايطير

يابنت المنطقه تعالى سعدينى وبعدين المحشى يبى حد يسعدنى راهو دورته مش ساهلة ايش عليهم هم ياكلو وخلاص .. تعالى الله يربحك وبعدين بصراحة المحشى سمح مع خبزة تنور كذا شوفى عمتى عزيزه دائره خبزة تنوررر جبيلنه منها بس ماتوريهاش لمحمد عبد الجليل راهو ياكلها كلها .. مى لمزينى

الحشي يبي لحم دزي المثقف ايجيب كيلو علي حسابي هي خاربه خاربه وإيجيب امعاه سباسي للمتميز هواصغير الحوش قولي لقلب العروبه لمياه جاة صبي ولع المضاخه

مي مي مي مي
كذا يامي ولا تصغري ديرلي قهوه نبي نمشي عندي عمل اضافي

حاضر ياخيى توا ندريلك قهوة ... ندريلكم كلكم قهوة .. انت نازلين على محاشئ وقهوة ومريم قاعدة تجهز فى روحها وانا هالكة حاضر حاضر

ياهوووووووووووووووووووو
كملت الامتحانات ومن يوم وغادي ماعندي حرفه الا انتو توا نوريكم الهرجه والمعيله على اصولها
توا طالع للصوق نبي نجيب دخا..... قصدي ؟؟؟؟؟ ماشي للصوق وخلاص تبو حاجه قللولي توا

متميز انت ومن ماشين نبي نمشي معاك مليت ونا اطياح ع نت

يلا معاي ماشي وحد بس ................ {صماً بكماًً}

يا مي انا حالفه ماعاد انخشها الكوجينه

عندك علم ان مافيش ولا بنت خشت معاي ولا وحده مشت عالداله اللي دايرتها

ايش دخلني ايطيح فيها لمزاوله و خلاص اتعبت
اندير معاك المحشي بعدها والله ماعاد دايره فيها حاجة نين ايجي الكابتن يشوف حل معاهن شنو هالحرث هذا ؟

ماحد يكلمني ايوووووه راها راقيتلي

وسعي بالك يابنت منطقه كان ماهذا اطلعي معانا نا ومتميز للسوق

غداء صقع بس امكثره الملح كثر خيرك الا بنت المنطقه نت واطيح الامبراطور اساوي خير منك وقولي للمثقف ايجيب امعاه ملح راهو شطب ...

حيحي قعدنا من غير عشاء اقبله يامحمد المره هذي
وبكره توا نشوفو صرفه 1 بنت المنطقه {ديمه عرايك}
2 مي المزيني {مدرعنها قاعده ولاه ماقاعده..اسكات}
وهن الاثنين لا شغله لا مشغله
كان ماجابن فيهن السهاري ...........واله ما فيها ظرب
سميت المثقف وين رايح شفولنا عنده جنيه رصيد

قاعد موون احسن من ايدير في الخفافي واطياح
والامبراطور ماسك اواخد امعاه الريفي
اليوم البيت عقوبه لعشاء لاشي

كلا انا عشاء برا اشقوا برواحكم