كوكتيل صح الصح

تذكير بمساهمة فاتح الموضوع :

شـــــــــــــــــــــــتاوات....

من سيات عزيز انحسوا..غير إصدار الناس اندسوا

ننشد في خطاط الرملة.... قال الياس خذاهم جملة

تلاقينا نا والمرهون...كملنا شيل وحط أعيون

نا والمرهون تلاقينا...قصرن ع التسليم أيدينا

نا والمرهون تلاقينا.... كلتنا يسرق في عينه

أنلاقي في النار أملاقاة.... أمغير ينجي في الله

سما حتا كي تكبر نار.... تواريها حتى ع الجار

من راسي لاعند أقدامي... ميكول انوفي في أيامي

رجيتك نين مشط الشيب.... إن كان سيبتك ماهي عيب

نمشي شور عزيز أبطولي... ما فرغ سري مر سولي

روحك يا مرسال طويلة..... نرجا نحسابك ماشي له

اللي ضرتني في المرسال .... عرب حرفتا قيل قال

عندي مرسال امهنيني......... يجري بين عزيز وبيني

خطر عزيز غاب النوم .....من بختي عيني غمضت

الخاطر ذاق غلا ورياف.. وذاق أمرار خطا لولاف.

الخاطر علي ماجال ****برود ياس لولاف ما لقي

ليش يا عزيز ادير الصوب***وانت عابي ع الخطا

انكان في غلاك اقسام..تطويلت الرجاء حاملينها

خليها علي الاقسام ياجابن اعزاز ياباعدن

اللي داير للعين سريب العنة يبقى فيه نصيب

حتئ وهو مظلوم ........ الخاطر يقول ظالم صاحبي

مازلت اتقول منام فقدت**** عزيز عيني امكذبا

القدر القدر هو جار الصوب ،،،،، اللى عليه ياعين البناء

النوم حرموه اعزاز وان جانا يجونا ف اوله

انكانك اتريدى لجــــــر ... قولى قديم و ابكيلى اشوى

اطريها عزيز اهذلـــــت ... الها زمان عينى ما بكت

قديم خلاني رماد ****** امغير فيش يانار والعه

بعدك ما انريد اولاف *** العقل غير راعي حالته

ايش اتريد في لوهام اللى عزيز فاتني وفاتن

اللي تقسملك ما تخطاك *** سوا تزعل والا برضاك

او جديد مايداوي جرح###راضي قديم يالعين خيرلك

تلذيع القديم قهرك .... ان درتى جديد يا عين شاورى

بالعين وين اريد نغدي.............مجاور ونارا جورت

لو كان العبا ع القسم الناس بالغلا ليش شاقـيه

نرجاك نين يوفي العمر\\\ بعد غلاك مو لازم غلا

ما انريدك اتضيع او ضعت ... عانيت واجد فيك ياغلا

شدي عزايمك ياعين يفني العمر يا بال الغلا .

لو كان فيه هاك وهيت.....القسم ما يلاوي ع الغلا

ماملي يا عقلي جاتك*** تقتل لكن ما قتلاتك

واطي عالنار واخايف من قولت عالدار امرايف

عقلك ليش اتفتش فيه خله امصكر بليفيه

تنهان ايدرن عزم ايجيهن الليل أو يذرفن

حتى لو أعزاز أنكرو نحلف عليه عقلي عندهم

اللي حسدك صوب عزيز ... يعيش لا نبا لا عافية
التموا في مقاعده حساد ... عزيز مانلومه ع الخطا
عليك ميعدوا حساد ... ضروك في غلا كان نافعك
عزيز وين صار خطاه ... حساده خدوا غايتهم

فرقاهم امغير قسام لاجفيت لاهانوا علي

سريب ناس كانوا صوب ... البارح منامي جابهم

اطناش وثمان اسنين . عزيت في عزيز وما قسم

اصعب شى اهمومك تحكى للى ماهو شاقى بيك.

واصعب شى ايكون حنينك للى موش حنون عليك

واصعب شى ايميل شرابك للى موعطشان عليك

واصعب اصعب اصعب اصعب شى

ايبيعك غالى وانت تحسابة شاريك

ان لاموا انريد انلوم اعزاز الخطا فيه شاركوا