كوكتيل صح الصح

شـــــــــــــــــــــــتاوات....

من سيات عزيز انحسوا..غير إصدار الناس اندسوا

ننشد في خطاط الرملة.... قال الياس خذاهم جملة

تلاقينا نا والمرهون...كملنا شيل وحط أعيون

نا والمرهون تلاقينا...قصرن ع التسليم أيدينا

نا والمرهون تلاقينا.... كلتنا يسرق في عينه

أنلاقي في النار أملاقاة.... أمغير ينجي في الله

سما حتا كي تكبر نار.... تواريها حتى ع الجار

من راسي لاعند أقدامي... ميكول انوفي في أيامي

رجيتك نين مشط الشيب.... إن كان سيبتك ماهي عيب

نمشي شور عزيز أبطولي... ما فرغ سري مر سولي

روحك يا مرسال طويلة..... نرجا نحسابك ماشي له

اللي ضرتني في المرسال .... عرب حرفتا قيل قال

عندي مرسال امهنيني......... يجري بين عزيز وبيني

بارك الله فيك اخى الكريم

بارك الله فيك اخى الكريم

منور يا بولفرى

علي روحي نمشي بشويش انجيب غلا سمح اتقوليش
مشكوررر يااحمد

علي روحي نمشي ونقول___ايمتا في لولاف انطول__تحياتي

مشكورين

صحيت ياستار

ابْكي يا عَيْن اشْوَي اشْوَي اللي مَيْ عَ اللَّوْلاف عَلَيّ.
لانِك عَيْني لانِك مِنِّي كان مسَكْتي دَمْعِك عَنِّي
تحياتي

بكيت مريضه .. خير من قصص واجد وفيه قريضه ... للي ينشدك قولي....
الفاهق مرض ديريه .... للي ينشدك عليش باكيه .
عالغافل ايخيل بكاك .... وان ساولك اشكيله مالمرض .
قولي للسوال مريضه ... انكان ابكاك ايجيب قريضه ... قولي.

منور

بوجودك يا مشرفنا الغالي

علي روحي نمشي بالهون انجيب غلا ماهو من دون

مشكور

علي روحي نمشي بركاح ابكايا ماجاب اللي راح

علي روحي نمشي ونعد انجيبه بيش الروح اترد

خان عزيز وقسمى لطة...صندل بين اظلوعى حطة

ممشي بعيد وامسى ليل # وانظري دفر ولواي منقطع

البارح شكينا له # بما دار مرهون فى الغلا

انظاري لدار عزيز # وديتن وما وديتن

نرجى فيك يافزاع # ثاريتك اتراجي فى الفزع

لمباكر خطاهن صار # جاني منام ماطاح فى وطا

ماعد احذاه خير النسو # عزيز سارقه ميح غيرنا

متواجلات شور ضياع # يزابن غلانا وعمرنا

نرجاك بين مانرجاك # كليت ثلثين عمري امخايره

نحسابها العين اسكتت # لليل واتيه ثاريتها

ملقاه والغلا والنقص # متلاحقات شي مابينهن

له وقت يا اعزاز الوقت # يجري لي علي تمويحكم

القيت من يداوي داي # باك موت ياطامر الدوا

فيها بكيت والها قلت # امتى تريد يادار تنعمي

ع الخونه عطاني عهد # مايديرها عزيز اودارها

بالك اتسير اقسام # يامراجي دنا قول يالله

تميت م الغني للوقت # غربال فيد حرة راغبة

ما لقيتي الا مرهون # ترمي عليه بيش ايقطمرك

مالي عزيز منه ليد # ونقول قرعتي نين باعني

ما من غيبه فيك # ولاد للبدع يا وقتنا

ما يجيبك وما درناه # نصيب غير مو كاتب الا

ع النار شيلك نارين # يدمي لك وجاز ومرتهن

عماكن الله ايعميه # اخطور ماقعد ليلة بلا

أما وراه والله صوت # شيلي أنشال ياعين ف الهنا

مي ساعة اعداد عليه # بريافك فيك ولاقالك لولي

بالخير ياقليل الخير #نطري فيك مانسيت لك غلا

نا لغيرك وللغير انت # ياريت مايجي يوم نقعدوا

مقطوع مرتين الواي # نا حاصل وعيني ظالمة

فيك انت وانت غيبه فيك # تخطر عليك مطري لي دوا

فى حيرتك وفي مرجاك # قعد عزيز للغير واقعدي

ماهناك مانزيد عزيز # كي روحي بعد كونه قعد

يدوي العقل يالوهام # لو مانصبن نوع هلبتكن

ايواوي وفيك ادموع # اسكاتك غريب وفاهقك

الواي مرتين قطعت # لانك بعيد لانك للدنا

أمرضى بالبكا دوايت ::::: أبريت والبكا باتلى مرض
فى شحات بتاريخ 29.10.2008
فتحى محمد ادريس:

جميع من على انشدك ...... ان ريته عدو ديرنى عدو

غالى عزيز وين غنوه......... يا طول ما فاضى قعد

عليها جريت امعاى ......ستره اتريد لوكان يا فضى

وشتى ::

كان امعاى اتريد دنا ..... اجرى له كى مانجرى نا

الغناي فتحي محمد ادريس المبروك الدرسي من مواليد 1978 قصر ليبيا
منقــــــــــــــــــــــول

خطر دلال في لوهام *** بكاك يا كبيره عالبكا
مشكور اخي علي ما قدمت

على قديم صار اقتال ... العقل شهيد والياس قاتله
بكيت على قديم اغلطت ... جا جديد عزانى ومشا
قضيتن ابكاى وخلاص .......... اسنين الزها ما ريتن
رديت عالبكا ملزوم .... مليان والمشاكي شاويه

الخاطر يعارك بيش.....لاقسم زين ياعين لاسعد....

فتحى ادريس...

الدار
طامعين في خيال ايبان*** للدار يا نظر طالقينك
الخطا
لها عزيز غي بعيد*** تطريه وين ما يضيق علمها
العقل
يطافر انهدي فيه*** العقل واجعه موح دارهم
النوم
من الليل ما ايجيبو علم*** يعوين هل النوم بنومهم
الغلا
سماحة الغلا تلذيع ***واسمور ليل وابكا وقطمرة
الفراق
امفارقه عزيز بشوق*** العين ميسه وما ناسيه
العازة
اللي نزرعه في الصوب*** بجذوره العازة تقلعه
الهواي
ابعيد بيعيد يا هواي*** خطر عزيز راني انتعبك
الجرح
لو كان غير يبرا هضا*** نحلف جديد ما عد ننجرح
العين
من خوف تننعمي يا عين*** باجداب دار ماني وادك
الغايب
غيابك عليك اسبقو*** لطو عليك يا عين غفوتك
البكا
مرات يا العين انغفل*** الله الله في ابكاك على القدم
الوهام
العين من اوهام قديم ***فضل بصيص يا دوب جابها
الفزاع
طواهن الياس وراي*** ايداي بيش نومي للفزع
العزم
طرو عزيز دارن يوم*** فرقت اعزمنا ثاريتنا
الفقد
مازالت اتقول منام ***فقدت عزيز عيني امكذبا
الخاطر
انبشو خاطري ليقوه ***اللي مي حسوفه موجعه
الرياف
نقتل اريافها بالصبر ***العين لو تحت ايدي اتجي
المرسال
مرسالي ونا رايفت*** تراخا القيني سابقه
النار
صيورها اتبان اتبان*** النار مو سريقه تنطمر
الياس
اتقول راضعين معاه*** علقت الياس فينا طولت
القل
ان طال يكرهوك الناس ***خصص المال كي طولت المرض
العزيز
اليوم موش امغير عزيز*** نبكو عليه ياما عندنا
الرجا
اما عزيز والا عزم*** رجاي فيك يا الله جيبلي
القسم
من يالا الياس اخطمن*** لقسام في عزيز يدودشن
الصبر
يبدل غلاك بالصبر***المولى اللي ياسك كتب
الغني
تقزينت غلاي اتعشم*** لوكان فيه برهان يا غني
الجديد
خايفين م الجديد عليك ***ادير فيك ما داروا اقدم
القديم
نقرب صهيدها نرتاح ***اطريلي دوا في نار القدم

1)حتى وهي مرضها جور تمشي من قلة لين تصلهم.
(2)يجفاك من امرارك فيه ويجيك من مرارت الغلا.
(3)لاتايسي ياعين فرج الله ماريت مقربة.
(4)يمدك الله بصبر المولى اللي ياسك كتب.
(5)العقل يابعاد الدار يمسى معاي ويبات عندكم.
(6)واخذين مافي العقل سوا بعاد ولا يقربو.
(7) حتى وهو فيه الياس خلق الله توقاته فرج.
(8)نامالي عليك ملام وياياس ليش اتزورني.
(9) الياس في غبيط الموت جمع ضناه وصاهم علي.
(10) مستوحيات ياس طويل لنظار في عزيز يوادعن.
(11) مافي الغرب صابات لهلك يالعين عاودي.
(12)ليالي مضن وايام طلبنا الله لايعيدهن.
(13) لو كان يامنام الليل تبقى رسيل بيني وبينهم.
(14) لو كان الوطا تنشال انشيلو عزيز ومقعدة.
(15) كنيبة امغير ايام سعد الياس مو ديمة قوي
(16) كبرت نار مرهونين كميتها علي جوفي رقت
(17) قليلة نجا ياعين من يوما وطيتي نارهم.
(18) قايلة مع عقال العين حالفة مااتخونهم.
(19) فراق العزيز صعيب والعقل في فراقة كادني.
(20) الصبر شين وزين عليه ياعين كان تقدري.
(21) افراق العزيز صعيب تخريج روح يانا موعرة.
(22) الصبر حاجة الزينين حطيه في معاديل الغلا.
(23) فدا عزيز مو موجود كبير جا علينا فاهقة.
(24) غالي علي لنظار حتى وانت مرهون ياعلم.
(25) غيات الغني ياعين عذاب غير عادة جارية.
(26) جبد سريب جابك فيه فزيت نين مافيدي وقع.
(27) عزيز وين مانطروه ايسيلن رقيقات الغرض.
(28) عليك خاطري مجروح ياعزيز ناويش درتلك.
(29) علي غلاك نين اتموت العين ياعلم بات رايها.
(30) طباب ياعزيز غلاك صفق ايديه مو لاقي دوا.
(31) طارح افراش الياس العقل نام نومة ريحة.
(32) صنم شكيتلة مالياس جبر بخاطري وقال يقسمو.
(33) صبرت ياعزيز اسنين اللي قبل يوم ايكيدهن.
(34) صبا العقل يوزن فيك لقاك ردع لوطان كلها.
(35) سريب صوب جا للعقل نساه ياعلم طاري الهل.
(36) سياتك المتبعات ننساهن اتجيني بغيرهن.
(37) خطاي من خطاك امعاي سبق خطاك كافيت بالخطا.
(38) زرعت زرع دار اثمار جنوه ناس مانالو تعب.
(39) زعمة ياعزيز نسيت ولا عليك ديمة نخطرو.
(40) راجيت والرجا ماجاب ننساهم الله غالب علي.
(41) راقد وجاك النوم كذاب ماغلانا شاغلك.
(42) خلفت ياعزيز امعاي فواهق بنيران يطلقن.
(43) ريتو هبال العين تشاكي اللي ماتشغلة.
(44) دعايا علي خوان عمى وفقر ويقودة عدو.
(45) تاكل بلا دخان جواني ديقلة يانارهم.
(46) ترجاك والرجا فالله العين ياعلم مو ميسة.
(47) العين حاسبت لوقات لقت زمانها مايل بكت.
(48) العين هذبها مبروم علي عزيز ياما باكيه.
(49) العقل في بلاد جهال ان دار الغلا ياذوه ياعلم.
(50) اجعن دعاي ياخوان تلقاه في ظراري اكبيدتك.
(51) عليهم لها مدات اعزاز قابلو عيني بكت .
(52) الياس والجضر والموح بلا امراقصة ياعين طيعيلهن.
(53)مرهون في بلاد عزاز شكواه عيب واسكاته مرض.
(54) يزيدك شرف ياعين ميعادك مع ناس عاقلة .
(55) غلاي يالعين الياس ماطلقة نين عالموت شرفة.
(56) بروحة مشا للنار يستاهل الخاطر لذعها.
(57) لو كان الغنا راس مال علي عزيز راك امخوجة .
(58) عزيز قلتلة واندمت انساني نسيني وماانتسى.
(59) مني عزيز ويش ايريد وهو غلا من روحي علي.
(60) غلا عزيز كيف النار لسعاتة قوا مايبردن.
(61) غلاك فالسما لافوق الا لرض داسوها عرب.
(62) مفاتيح باب العقل ياعزيز في جيوبك مشن .
(63) انخاف ياعزيز اندير عليك كبد تلوي ايدي بها.
(64)عزيز والعياط وراه شقواي بيه م الساعة غلط.
(65) الراقد ابناي يعبه شاكع ازويتين خاطري.
(67) نهوني ع لولاف عقال ما يريدوهم لنا.
(68) عليك كاينة يا عين غيابك حذاك وما يجوا.
(69) لمباكر بكيت عليه عزمي شديد في يوم الخطا.
(70) بكت بكتني بكيت بكيتي بكت اللي سكتني.
(71) لها رزق عند الله العين يا علم ما ينقطع.
(72) حتى إن ما قسم صوبك ما زلت يا عزيزغالي علي.
(73) هويت قلت ياك انغفي قلوا هني نومي سابقوا.
(74) يطولني عزيز بلوم ونطوله بلومين في الغلا .
(75) فى اخناقى العين امسكت تقوللى قديمين وينهم.
(76) ما فاتهم فاتوه العقل فاتهم فوت قايلة.
(77) عزيز وين ما خذاه الدهر لقسام يا علم عاودن.
(78) أعزاز وطنهم فاتوه سمعوا نباك جو جاي يا علم.
(79) عطاشى وهن ع البير ويا عذاب راعيهن شقى.
(80) نار يا عزيز غلاك تبوق خاطري نين يرتبي.
(81)اللي غلاه بالترويم أنساه يا دليلي واتركه.
(82) ع القديم سفيت رديم ومع جديد نيراني والعة.
(83) دهواري بلاهم خير اللي لا غنوا لا ريحوا.
(84) الشيب في وجوه الناس والكبر مو عيب يا علم.
(85) لولا فزاغ الصبر م الياس راك يا عين ضايعة.
(86) واجب عليه القدر العقل وين ما صوبه حتم.
(87) شاوي عليك الدمع ولا عزيز يا عين ناسية.
(88) العين ماحجرها عيب على وصول لولاف دامعة.
(89) تدارى بنار عزيز تقول سارقة بيت جارها.
(90) صندوق خاطري مشتاق .. نين بابه ما نغلق.
(91) صندوق خاطري مقفول .. مفاتيحه عند ناس باعدوا .
(92) المعيشة مغير عذاب .. العقل لو شرى الموت خيرله.
(93) إن ما درت خير في قزون .. تلقاه يا علم يوم الآخرة .
(94) سريب ناس خانوا صوب .. البارح منامي جابهم .
(95) الموت كاينة وتكون .. غلاك هو الواعر علي .
(96) تلاطمت نا والياس .. ضحك وقالي أني وين شايفك .
(97) الخاطر وسيع البال .. غير جاورونا وانزلوا .
(98) تبي سموح ما تلقاه ايجيك يوم يا خاين الغلا.
(99) شختي عليه بو زعتيه الدمع قبل يا عين عاتقك.
(100) رغبت يا عزيز دناي والقيتني غني رايك اخرب.
(101) سياته عزيز امعاي اللي مي قباله اعلمته.

خذت العين غير منام..... مع عزيز ليله اقصيرة

اسلمت وحيك الله

له وقت يا اعزاز الوقت # يجري لي علي تمويحكم


مشكور يليد

حبة مسك
تسلم ولد عمي والله ماعرفتك برعصي الا اليوم
ومشكور لباقي الاصدقاء في المنتداء

مازلت يا العزيز عزيز *** من قالك انك مانك انك
بصراحة احسن من ايشكبن فالغناوة شكبان

بارك الله فيك على ما قدمت يا اطعمة

تحشم يالقديم شوى خبر شين اللى دريته فى

الخاطر يكرب فيه الدم ايقول جديد انقول قدم


يالقديم امخرب سوقى نين ايجيبولى صندوقى


تقازى تقاز عدوك قال الغالى ياخذ سوك

انوارى واندثمر وانلم ابها بكل بانو لقدم

عليك حلم جاب قديم تفسيره انموت وماقسم

الخاطر بين ايدين قديم ايجى بالشحته والتلميم

اقدم لاقالو هاك دواك ولاقالولى موت بداك

انسيتك يالقديم خلاص اتخطم كيفك كيف الناس

وين قديم علمنى داير غالى غيره جانى طاير

لنظار فى الجديد اعلقن قديم ماخذا غير سوهن

لوكان يالجديد قسمت نزها بيك شماته فى القدم

عالقديم نويت الردة امرايف لاكن ماعاد ايردو

لوكان انشوخ على عقلى ماعاد قديم ايفوهقلى ,

كل الشكرعلى المتابعه