كوكتيل صح الصح

تذكير بمساهمة فاتح الموضوع :

شـــــــــــــــــــــــتاوات....

من سيات عزيز انحسوا..غير إصدار الناس اندسوا

ننشد في خطاط الرملة.... قال الياس خذاهم جملة

تلاقينا نا والمرهون...كملنا شيل وحط أعيون

نا والمرهون تلاقينا...قصرن ع التسليم أيدينا

نا والمرهون تلاقينا.... كلتنا يسرق في عينه

أنلاقي في النار أملاقاة.... أمغير ينجي في الله

سما حتا كي تكبر نار.... تواريها حتى ع الجار

من راسي لاعند أقدامي... ميكول انوفي في أيامي

رجيتك نين مشط الشيب.... إن كان سيبتك ماهي عيب

نمشي شور عزيز أبطولي... ما فرغ سري مر سولي

روحك يا مرسال طويلة..... نرجا نحسابك ماشي له

اللي ضرتني في المرسال .... عرب حرفتا قيل قال

عندي مرسال امهنيني......... يجري بين عزيز وبيني

مشكى العقل غيبة فيه واسكاته علي داه قطمرة.
لا لي غنوة نين ايست .. ولا عزيز ناره هوطت
عزيز بالخطا لاقاه الخاطر وهو جاي بالغلا .
حنون وحنون فقدت .. وميخوذه ومي لاقية فزع

كي تشكي اشكي للقايس&& يبكيلك وايجيب دسايس
عزيز حايزتبه ناس ارهنو لا غنو لاسيبو...
انمشي في الشمات ابها بقول خطاهم مني نا%
فقدنا واجد موش امغير&& اعزاز اللي مافيهم خير

اللي هنا غير خيال، نحلف عليه عقلي عندكم.

عقلي يالولاف عطوني..ولا ناوياه خذوني

يالولاف خوذونى جملة ماعاد بلاكم شى حملة ..صقع يعنى بالجملة.

يعني مافيش قطاعي؟؟؟؟؟
هههههههههههههههههههههههههههههه
عقلي والخاطر وانظاري واخذهن ياسمح الطاري

كان البكا امنعوه... نمشو وين من ضيق علمنا؟؟؟

كبيروالكبير الله غلاك ياعزيز في خاطري...

ما صار من الدنا ولا نسوا ________ تدميعهن هناك ونا هنا

يحكيبكم ونا ناهيه ....... اوحلت في عقلي ياقدم

مكبورة الجديد اعلقت............ تقاوت مع نار القدم

عندي نا والعين عزيله & مانطلق طير ونجريله

انموت علي غلا الجديد ولا شحتت قدري مالقدم....

انسي لولي وغلاه..ومع جديد يا نار اولعي

انريد من عزومك عزم ننساك بيه يا اللي نسيتني وبكيت عيني ظلم وفي عازتك خليتني مكسور الجناح بروحي نعاني في نزيف اجروحي الله يسامحك ضريتني

ننهاهن ايديرن عزم..ايجيهن الليل ويدرفن

نفتش فى عقلى تميت ..القيت مطارح ناس بكيت

الله غالب ياعين عليك ...عزيز امبكيك امبكيك

قايسها من يالا حالي ... نار غلا ماتقتل والي.......!!!

هده لكي
نار الغلا نا عرفا...ياما ناس للموت قربت
معليش نبي نطلع

الطير اللي عدا مربوحه ما طيرتا طار ابروحه......

بجروحي فالنار أنطفي وريافي يبرم ويهفي

اتصدق مره هف قديم ...خدينا كم ليله تخميم

اتصدق مازلت امراجيه....غني والعيل بين ايديه

اتصدق ما نحساب اتصير ...غوالي يلتفتوا للغير

اتصدق مازلت امصدق...عزيز بعد ياسات انطق

اتصدق مانصدق في شي... اعزاز بعد خونتهم لي

اتصدق مانصدق في حد....عزيز بعد في قوله رد

تصدق كل نهار انقول...انك مالكنى عرض وطول

تصدق مازال المرهون...ايدز ونا صاحب واشون

اتصدق ماصدقت انسيت خطاهم لولاف افتكيت.....

تصدق مرا مرا نوع...انحته عاللولاف ادموع.

القديم..

ايجيبك غريد العين .. ابعد امنيش في اديار القدم
نسريله اونا ممطور .. شكيع برق فى غيم القدم
حتى كي عليه جنحت جتني قديم ناره جاردة
قديم طارحك يانار ... منين مانحاذيه نلتذع
الوقت والزمان أو هله...تعويض في قديمين ما يجوا
ايجيبني ارياف قديم ونعاود علي قاطع اللوا

الجديد..

نزلت في ربيع جديد ... امغير مكر في اجداب لولي
امغالي اليوم جديد مدعا قديم ننســاه خيرلــــي
ورا جديد طاش انظري علي قديم ماعاد نلتف
جبر ابخاطري الجديد نساني قديمين الغلا
هيالي غلا الجديد قدع العمر عامات لاورا
لنظار في جديد اعلقن قديم ما خذا غير سواهن

المرهون..

اسمله يا مرهون عليك... اللي ما طالك يقرض فيك:
امغير انبصر ع المرهون .. الا الفاضى مادونه دون
نارك يا مرهون كلتني... لا باطل لا حق عطتني
قيسك يا عقلي ناكرني ... ننسى مرهون اتذكرني
انا والعين بحد جهدنا .... نبكوا عالمرهون وحدنا
قلنا من المرهون افتكت .. جت للدار العين وتكت

السيئة واللوم..

ان لاموا انريد انلوم اعزاز الخطا فيه شاركوا
عزيز ما يلوم العين سيّات هو اللي فيهن بدا
سياتك المتبعات ننساهن اتجيني بغيرهن
نستاهت نهار خطاه..ظرت العقل يا ريته بكي
عزيز ع الغلا مازال ينشد اتقول مو داير خطا
سقوا العقل بالمقلوب ..سيات نين عاليه ارويه
خطاك نجعلوه صواب مغير لجل قابيتك علم
خطاهم اعزاز نصيب وفرقاهم نصيب وكاينه
اخطي اوما اخطيت امعاه عزيز قبل خاطيه الخطا

الغلا..

بلاه ما نعيش انموت .. غلاك ياعلم نفس وقوت
جبيت بالغلا ياعمر .... اتسوق فيه ما صاد يلتفت
عليك خاطري مليان نصيب غيظ والباقي غلا
لوكانت القيت ابريت ....سكينه الغلاء ماالها دواء
العقل واخذه مرهون .....رهينه عليه دين في الغلاء
حتى اوهو عطيب اجهدي ...مازلت عالغلا ماننقدع