كوكتيل صح الصح

تذكير بمساهمة فاتح الموضوع :

شـــــــــــــــــــــــتاوات....

من سيات عزيز انحسوا..غير إصدار الناس اندسوا

ننشد في خطاط الرملة.... قال الياس خذاهم جملة

تلاقينا نا والمرهون...كملنا شيل وحط أعيون

نا والمرهون تلاقينا...قصرن ع التسليم أيدينا

نا والمرهون تلاقينا.... كلتنا يسرق في عينه

أنلاقي في النار أملاقاة.... أمغير ينجي في الله

سما حتا كي تكبر نار.... تواريها حتى ع الجار

من راسي لاعند أقدامي... ميكول انوفي في أيامي

رجيتك نين مشط الشيب.... إن كان سيبتك ماهي عيب

نمشي شور عزيز أبطولي... ما فرغ سري مر سولي

روحك يا مرسال طويلة..... نرجا نحسابك ماشي له

اللي ضرتني في المرسال .... عرب حرفتا قيل قال

عندي مرسال امهنيني......... يجري بين عزيز وبيني

تصدق مرا مرا نوع...انحته عاللولاف ادموع.

القديم..

ايجيبك غريد العين .. ابعد امنيش في اديار القدم
نسريله اونا ممطور .. شكيع برق فى غيم القدم
حتى كي عليه جنحت جتني قديم ناره جاردة
قديم طارحك يانار ... منين مانحاذيه نلتذع
الوقت والزمان أو هله...تعويض في قديمين ما يجوا
ايجيبني ارياف قديم ونعاود علي قاطع اللوا

الجديد..

نزلت في ربيع جديد ... امغير مكر في اجداب لولي
امغالي اليوم جديد مدعا قديم ننســاه خيرلــــي
ورا جديد طاش انظري علي قديم ماعاد نلتف
جبر ابخاطري الجديد نساني قديمين الغلا
هيالي غلا الجديد قدع العمر عامات لاورا
لنظار في جديد اعلقن قديم ما خذا غير سواهن

المرهون..

اسمله يا مرهون عليك... اللي ما طالك يقرض فيك:
امغير انبصر ع المرهون .. الا الفاضى مادونه دون
نارك يا مرهون كلتني... لا باطل لا حق عطتني
قيسك يا عقلي ناكرني ... ننسى مرهون اتذكرني
انا والعين بحد جهدنا .... نبكوا عالمرهون وحدنا
قلنا من المرهون افتكت .. جت للدار العين وتكت

السيئة واللوم..

ان لاموا انريد انلوم اعزاز الخطا فيه شاركوا
عزيز ما يلوم العين سيّات هو اللي فيهن بدا
سياتك المتبعات ننساهن اتجيني بغيرهن
نستاهت نهار خطاه..ظرت العقل يا ريته بكي
عزيز ع الغلا مازال ينشد اتقول مو داير خطا
سقوا العقل بالمقلوب ..سيات نين عاليه ارويه
خطاك نجعلوه صواب مغير لجل قابيتك علم
خطاهم اعزاز نصيب وفرقاهم نصيب وكاينه
اخطي اوما اخطيت امعاه عزيز قبل خاطيه الخطا

الغلا..

بلاه ما نعيش انموت .. غلاك ياعلم نفس وقوت
جبيت بالغلا ياعمر .... اتسوق فيه ما صاد يلتفت
عليك خاطري مليان نصيب غيظ والباقي غلا
لوكانت القيت ابريت ....سكينه الغلاء ماالها دواء
العقل واخذه مرهون .....رهينه عليه دين في الغلاء
حتى اوهو عطيب اجهدي ...مازلت عالغلا ماننقدع

القديم...
يالقديم امغير خطاني...في اللي فات امسامح راني

الجديد...
كان قديم ايريد ايفوت ... اندير جديد انحبه موت

المرهون...
عندي مع المرهون دلاله... نغمزله قدام اعياله

السيه واللوم...
الدوه كي تبقي تلويم ... الله لا ايردك يالقديم

الغلا...
يالعزيز غلاك وخيرك... ماخلاني نعرف غيرك

اتصدق ويش رايك مليوع....ومره مره ننصب نوع

خان عزيز ودرنا غيره....ماصارت للعين بصيره

ضباب عزقني شور ضباب ...ندور في دار الغياب

شكرا على المرور

القديم
قديم بيش ما تنسيه.....قسالك اجروحه وسيبك

الجديد
صوب جديد عليا لافي....نساني القديم الجافي

المرهون
حالي من المرهون وجره.....قزون امربيته ضره

السيه واللوم
يا المرهون السيه سيه...حتي لو صفية النيه

الغلا
غلا عزيز تكمي فيه...نحلف عليه مازال واجعك

كل عام وانت بيخير

وانتى بالف خير وينعاد عليك

كل عزيز خذا ماسدا ...من كبدي ياعين وعدا

عندي في الصوب اتغربيلا مو كل امصبي نوميلا

القديم
إنتي عليك خوذي نوع .. وتخطيرة قيدمينك علي

الجديد
امغير دوب طفيناك عشتي جديد يا نار القدم

المرهون
العقل واخذه مرهون .. رهينة على دين في الغلاه

السيه واللوم
لا نلوم لا نلتام .. انهنت ياقديمين وانرتهن

الغلا
ومن أيام موش أقسام يا خسارة علي ضيعة الغلا
نبوا زياده يا الدرسي

القديم..

انبكوك يا شديد العزم...مطرا أقدم لو كان نجبدوا
متورخين في الخاطر ... اعزاز ما نسيناه صوبهم

الجديد..

جبر ابخاطري الجديد نساني قديمين الغلا
جد جديد العين عليها نسيت صوب قديم انسيها

المرهون..

مرهون دار لك ياعين سرَّاقة غلا نين ذيبلك
ارهن عزيز خوذن لذن مليت من مساهتي لكن

السيئة واللوم..

سياتك اللي طقرور محن غلاك هذاك لولي
سقوا العقل بالمقلوب ....سيات نين عاليه ارويه

الغلا..

ريـــــــــاف داربك يـــاعين...ع الدار نين جيتي راميه
الناس يحسبوك ربيع...وانت عذاب يا نار الغلا

قديم ياخض سوك يامجروحا ماضر قديم الا روحا جديد مابيت ع الجديد انغلا هلكني ادعا عيت القدم مرهون انخاف كيف انشيل ايتوق مرهون في مناماتي علي السيه واللوم لسيات اموسع بالي يملا ويفضي غربالي الغلا اساس الغلا لقدار ويميل كان مابيهن ابني انحيد ع الغلا ياقدر ماتليقبي انما جيت فواله

مشكور على المرور

فطنت الروحي هنا دون & انغالي في غالي مرهون

كبي يامرهون احرقها لاتشحت لانك سارقها

لا حرام لامسروق..........عليش في غلانا تجحدو؟؟؟؟؟؟؟؟؟

غيات المرهون نقيده والفاضي مافيه عقيده

عليش انوارو فيه الصوب وهو لوشحتا ولومنهوب

لاني متحشم لاخايف...&...راني ع المرهون امرايف

شكيت ونابيدي مظلوم لفزاعي ماعد الوم

صايدني من قو اريافي والج باللوهام وسافي

صارت لي في دارك بدعه بين غلاك وبين الصدعه

قدم يا عقلى هم لقدم ....عليهم لا تقسى لا تذم
يالقديم ايطيح سعدنآ ...كآن خدوكم نآس بعدنآ

ندور في سبلة ولقيت ... على دار الغياب بكيت

في لولاف رفعت اعيوني .....دواوني والله ضروني

علي روحي واخذ ياعين انطبب في وحدا واثنين

صاحب صوب نشدني كنك حشمني في قولت منك