الفتـاة الليبيّــة إلـى أيــــن ..؟ بقلــمــي

من طرف هنو ليبيا 2011-10-19, 1:48 pm

الســلام عليكم ورحمــة الله
والصلاة والسـلام على رســول الله

قبل أن أبدأ احترت بأي لهجــة عليّا أن أكتب ؟!

وعليّا أن أُنسق بالاسلــوب أيضاً
عليّا أن اجعـل الكلام أكثر واقعيّــة ,,, إذاً اللهجــة الليبيّــة أفضل أم اللغــة العربيــة ..؟
لا عليكم سأجعلــهاا مزيج بين هذا وذاكـ ..

لن أتجاوز الحُدود بل سيكون كلامـي بمنتــهى الدقـة والاحتــرام وذاك من خلاال ما بدور حولــي

الفتــاة الليبيّة

** كيف كانتــ وكيف أصبحت وإلـى أين وصلّت ..؟
مابال اخلاق فتياتنا تدهورت إلى درجــة الإنعدام
مابــال أُسلوبهم التي اختلط بين قلة الآدب ووقاحة الكلام ..؟!!
مـابــال الأُنــوثــة التي أصبحت تُتاجر بــهاا بطُرق يشمئز منــهاا الإنســان ؟

أسئلة دارت بفكري فطرحهاا عني اللســان

لا تستغربي قد أكون أنــاا / أنتي / أُختي / او أُختكي

ما رايتُه وما مازلتُ أراه لم ينال إعجابـي
فقد ضايقني هذا الحــاال ...

إن كان تقليد للغرب
فهُو بلا شك تقليدُ أعمــى

إن كان تطور فهُو بلاشك غبــاء بقمة الجهــل
أشعر بأنها تُريد أن تتميّز
وهذا اكثر غباء بحد ذاتــه ..!!!

اني متأكدة حالياً اي وحدة فيكم تشوف كلامي تقول
هاذي شن تقول او بالأحرى زي مانعرفوا شن اتخرف ..؟

هاذي تحساب روحها قاعدة بعام 2000 نست بأن احني بعام 2011
اكيدة متخلفــة ....

لا تضحكوا ... فهذه التعليقات سمعتهاا قبل الألف مئة مــرة

برافوا إنهن يجدن التعليق

بجد برافــواا

* التعليقــات *

اكثر من مرة لفتت انتباهي
بصراحة مش اي شيء نعلق عليه ومش اي كلمة تنقــاال
بالنهايّة أني بنت
ومن جمال البنت حلاوة لسانهاا قبل ماتنطق اي كلام
اكيد كلكن عارفات هذا الجو ... نسموها انحي فلاحــة أو جُرأة
بصراحــة هاذي وقــاحــة ,, وقلة آدب لا أكثــر
* اسلوب الكلام *
سبحان الله لا تغرك المظــاهر
تشوفي بنت تقولي هاذي مُثقفــة مُأدبــة خجولــة
ويهرب عليك الضي لو مر علاها موقف وتشوفي أُسلوبـهاا
كلامي هذا مش جاي من فرااغ ,, هذا واقعي جداً
وين الأُنوثــة ..؟ وين الخجل ..؟ وين الآدب والأخلاق
مش لإني مُجبرة على إني نعمل بيهم
لاا
بالعكس لأنهم يزيدوا من جمالي وكمالي
اي وحدة تقوليلها هالكلام تقولك مش واعر عليّــاا
نقدر نبين روحي في أحسن صُورة ...
وين رزانة العقــل والتفكير ..؟
كُل هذا عشاني مش عشان غيري
كُل هذا نبي نثبت بيه نفسي وذاتــي ..
كلامي سليم وما فيه خطأ
لكن شن فايدة الكلام اللي نقول فيــه
الله يرحم جدي اللي يقول خود الكلام اللي يبكيك راهوا اللي يضحكك يضحك عليك !!!
بصراحــة انعدمت الأُنوثـة في الأُنثى نوعا مــاا
أكيد هالشيء ليه أسبــاب ولا بد من ان يكون ليه عواقب بالذات

*غُرور وتكبُر *

على شني ياا حســرة !!
مُعظم البنــاات مغرورات ومتكبرات
اني عن نفسي نقوللكم اني مغرورة لكن مش بالمفهوم اللي يدور ببالكم
الغُرور صفّــة اكثرهم متجاهلات معنــاهــاا
الغُرور حُلو بالاُنثــى ... لما تنغر بخجلهــاا بآدبهـاا بسكوتهــاا وبحلاوة اسلوبــهاا وبجمــال روحــهـااا
مش اللي رافعتلك خشمهــاا تحساب روحها بطول السميّ

لطالما أُمي قالت السماء ما حد طايلها والأرض كُلنــاا نمشيء عليهــاا .... الله يذكرك بالخير يا اُمــي

* تصرفــات غريبــة *

لعلمكم أن مُعظم البنـات ليهم ذكاء حاد جداً
وتفكيرهم بمحلّــه
لكن تصرفاتهم تعكس نظرتك لذكائهم
وتخليك اتقول هذا من كثر الذكاء استحواهم الغبــاء
على كثر ما البنت ذكيّــة على كثر ما غباءها يسيطر علاهــااا

لا تهتمــوا
بخاطري الكثير من الكلام
وبخاطري تساؤلات مرت عليّا بطول الأيــام

ولكن
تجري الرياح بما لا تشتهي السُفن

اتمنى ان تكون الفتاة الليبيّــة بأحسن حــاال

مُقتطفــات من جُعبتي لا أكثــر

مُجرد واقع مُرّ
.
.
هنو ليبيا

من طرف اسماعيل ادريس 2011-10-19, 1:58 pm

مشكووووووووووووووووووره هنو ليبيا
النصيحه مطلوبه للجنسين
فنحن الرجال كذلك منا من يقوم ويتحدث ويتصرف بطرق غير صحيحه
ولكن انقولوا ربنا يهدي الجميع

من طرف محمد منصف بوحردة 2011-10-20, 11:13 am

موضوع مميز جداً يستحق الاطلاع والمتابعة

من طرف اجويدا رجب الرفادي 2011-10-20, 11:23 am

موضوع مميز جداً يستحق الاطلاع والمتابعة

من طرف هنو ليبيا 2011-10-20, 11:55 pm

مشكورررين ع متباعتكم
بااارك اللله فيكم

من طرف المرتجع حنتوش 2011-10-21, 9:51 am

من طرف محمد منصف بوحردة 2011-10-22, 10:04 am

موضوع مميز جداً يستحق الاطلاع والمتابعة

من طرف **الكابتن** 2011-10-22, 1:02 pm

كلام جميل ويمس الواقع الانثوي الليبي
ليت هناك من تسمع
وليت كل من تسمع تعي
وليت كل من تعي تتصرف بناءً علي ما فهمته
بارك الله فيكِ اختي هنو
ومزيدا من الابداع من قلمك