الناس يرقدوا ...للشاعرة حنان عبدالكريم

من طرف القديسة 2011-12-18, 2:37 am

الناس يرقدوا فالليل ونا كني

لا نوم جاني لا خبر طمني

الناس أتعارك

تبي السهر لكن النوم أمشارك

هم يرقدوه الليل و نا شارق

لا جفن سابل لا نعاس عطني

لا كيف من حط المخدة غارق

في عز نومه و الأحلام تهني

و لا كيف هللي فالمحبة مفارق

ناسي إعزازه و الشوق و التجني

الناس يرقدوا فالليل و نا كني

لا نوم جاني لا خبر طمني

الناس طرابة

نومهم هني و نا منامي هابا

يجيب في مرارات الغلا و عطابا

أمكثر علي أهموم و مبهدلني

وينما انحط الوسادة صابا

أفكار الفراق امداعيات أيجني

ننسى سريب غلاه ما نشقابا

هضا بعيد علي نا ما نظني

الناس يرقدوا فالليل و نا كني

لا نوم جاني لا خبر طمني