اليوم انسينا ... حنان عبدالكريم

من طرف القديسة 2011-12-19, 5:04 am

اليوم أنسينا

ما تقول عمر مع عزيز أزهينا

سلا غيتي صوبه

جفا مدعاي

انســـي غيــتي خلف سبايب داي

لا جـرح لا جرحـين دارن نــاي

سالــن قواطر دم من ماقينــا

تهلع أهلوع و ما لفـى مشكاي

جرحــي تقيــح نـين دار عفينة

الخاطم يشيل الـصوت من يالاي

يبكي علي أيحـل ماقــي عينــه

الظاهر أنه جرحي صعب داواي

أمعــزق ضماداته أميــس فينا

غاب أسبوع

و خـلف أمعايا نار دارت بـوع

والخاطـر تمزط من نزيف جـروح

تمــت مـع كـل المــسارب شينـة

إنكان الدّعي يتبع يدير رجوع

أيـرد النفس للروح و يداوينا

و لكن الباين مايريد أفروع

جـز الـغلا ما لجـذر خـط علينا

تركني هكي

مطراي من فرقا العزيز أيبكـي

علي كل خيمة بالدموع إنتكي

نبكي ابـكا مليوع مات جنينـه

كان الزكاة تنفع عليه أنزكي

كـنيب يــبرى جـرح مـثر فينـا

و علي عزيز اللي جفاني نتكي

جـرة.. وما كـني إزويله رينـا

غاب غريبة

ترك جـرح مستاصل مـع تطبيبه

لا عـام لا عامـين زاد الغيبـة

وفرحه إطريلي في بـلاد غبينـة

متباعد عليا بالنظر والريبة

و أخباره لا توة أتجيـني زينـة

أتقـول مرسـالي أيريد الصيبة

يدور اللي تقتل أبها يازينا

اليوم أنسينا

ما تقول عمر مع عزيز أزهينا

سلا غيتي غالي