بالصور..تقريب عضو من اعضاء المنتدى

تقريب عضو من اعضاء المنتدى الاخ والعضو محمد صالح المرتجع وهو من سكان العاصمة طرابلس تابع الصور التالية >>>>>>>>>>>>>

يستار هذه يعد تجسس على الناس و غير مقبول . على الاقل خوذ اذن من صاحب الامر " محمد صالح" . شنو يكون موقفك بعد مايقوم شخص اخر بنشر مكان اقامتك امام العالم بدون اذنك؟؟؟

لا مافيها شئ وفى ليبيا بالتحديد المكان ليس بالتحديد لان غير مربوط بالاقمار الصناعية هو مجرد مكان ربط شبكة الاتصال التى لدى محمد صالح فقط وليس مكان سكنة... انت فى سويسرا ممكن منزلك ياتى فى الصورة لان سويسرا دولة متقدمة ومربوطة عبر الاقمار الصناعية لكن فى ليبيا لا لا لا ولهذا نضعوا فى الصور هذة

أخى فيصل الأمر ليس بالشكل الذى اعتقدته
بالعكس أرى أنها لقطة جميلة جدا جدا
حتى يعلم الناس منزلى فأرحب بهم فى كل وقت
وياريت استار يخرج لى بيتنا فى المرج
وشكرا لحرصك وتواصلكأخى فيصل
وشكرا ستار للقطة الرائعة

فيصل

ماتخافش على زعل محمد صالح

لان محمد صالح موش حايزعل من ستار

لان ستار هو محمد صالح المرتجع محمد

هاهاهاهاها
ستار خاش على المخابرات
على العموم انا نحب نشكر فيصل على غيرته علي ونقوله بارك الله فيك خوي فيصل
لكن لاباس عادي مافيها شي
لكن انا مش فاهم كيف طلعتلك غلط لاني نسكن في السياحيه تبع حي قرقارش ؛مش في شارع عمرو بن العاص
لكن ممكن انا كنت فاتح من النقال وانا خاطم على الشارع نفسه وطلعتلك هكي
مشكور ياستار على الصوره والله فرحني اهتمامك ياخوي وانا نسكن في قرقارش السياحيه جنب جامع بدر وبيتي مفتوح لاي شخص يحب يزورني في طرابلس وسلامي وتحياتي لجميع الاعضاء
سلام للجميع

بارك الله فيكم جميعآ ....اسيرة العشق كلامك منطقى جداً وبارك الله فيك اختى الكريمة .. المروج ولا يهمك يا غالى ومنور بالترحيب....محمد صالح اشكرك لتفهمك ومثل ما قلتك فى ردى على فيصل فى ليبيا لاتظهر الصور بالدقة المطلبوة ولا بالجودة العالية لان ليبيا ليست مربوطة بالاقمار الصناعية فى هذة الخدمة وهذا التقريب يمكن الى حداً ما هو تقريب لربط شبكة اتصالك اخى محمد ومشكورين جميعاً وشكراً محمد بالترحيب بالجميع وانت معروف يا غالى بكرمك ...تقبلوا تحياتى لكم

أخ/ ستار سؤال ؟ تم رصد المذكور من قوقل إرث أو ماذا إذا كان من خلال إرث على حد علمي والله أعلم هذا الموضوع صعب يستحق موافقة مقابل مبلغ مالي .... باختصار رجاء اشرح لي كيف تم ذلك . باعتبارك من فطاحل الحاسوب . ولك تحياتي...

والله هنا ياستار لو يعرف واحد انك تجسس على احد ما ح يرفع عليك
قضيه تدفع اللي قدامك و اللي وراك.

في عمليات سرقه واجد حصلت عن طريق قوقل مابس .

يا اخ فيصل يا ريت تركز فيش نكتب عشان مانبقوا نبرموا فى نفس الحلقة قلت انا هنا فى ليبيا مو فى سويسرا ما تشوفش انت او كيف هنا ليبيا بلد متخلف ليس مربوط على الاقمار الصناعية مثل سويسرا او غيرها اقرا محمد شن كاتب قايل انا ما نسكن هنا ابداً انا فى تركينة والمكان الى مقربة انا فى تركينة اخرى اقرا الردود كويس اخى فيصل ..اقرا جميع الردود كويس وبعدها رد على الموضوع سلام ومشكور للمرور

الموضوع لايحتاج الى كل هذه الضوضاء
تم عرض الموضوع ونحن فى ليبيا كما قال ستار لاتوجد الدقه الكافيه فى تحديد المكان ولكن خارج ليبيا ربما يكون ذلك
لكم التحيه