قصيدة ليبيا

من طرف أم عمر 2012-01-20, 8:24 am

السلام عليكم ورحمة الله وبركاته

القصيده للشاعر محمد خليل العرفي
انا قريتها وحبيت تقروها وتقولوا رأيكم فيها

أترككم مع القصيده

يارب ترعي ليبيا الابيه
يارب كمل مجد الانتصار
يارب يا خالق النور وضيه
يارب وحد ليبيا الاحرار
يارب وفق بين خي وخيه
يارب يا منزل الغيث امطار
يارب كبرنا بطيب ونيه
واقبل ادعانا فيه لا ستغفار
يارب رينا ظلم موش اشويه
في ليبيا من قبل يا ما صار
يارب جنة للشهيد هديه
وانت اللي عالم ابهن لسرار
يارب تبعدهم اللي فتنيه
يارب نبوها ابلاد عمار
يارب ساعد من وقف جديه
سدد اخطاهم في عمار الدار
يارب صفو قلوب والحنيه
غنا خوت ديمه نكرموا في الجار
يارب دولتنا تعيش هنيه
داعين في المغرب وفي افجار
يا من رزقت الحوت تحت الميه
ورازق الطير اللي لرزقه طار
كمل علينا نعمة الحريه
وترعي ضنانا كلهم ثوار
تشفي الجريح وسرعته في الجيه
بيش يفخروا ناسا لهم لفخار
يالله ياربي رفعت ايديا
ندعي لوطني قلت يا ستار

من طرف سـيف التميمي 2012-01-20, 8:31 am

أنا لست شاعراً ولا ناقداً أدبياً... وإنما متطفل عليه

واللهجة الليبية تصعب علي... ولكن هذه القصيدة فهمتها.. واضحة المعالم

أسلوب شيق... شكراً لصاحبها ولناقلها لهما جل تقديري

من طرف hawa-36 2012-01-20, 8:34 am

واللهجة الليبية تصعب علي... ولكن هذه القصيدة فهمتها.. واضحة المعالم

وطن النجوم أنا هنا
حدق أتعرف من أنا ؟
أنا ذلك المسكون الى النهاية بالهوى
أنا من تعلم منك معنى أن أكون كما أنا
أنا طائرا في سماء أرضك مغرمي
أنا من ترابك عرفت معنى الانتماء
أنا في هواك رفعت رأسي للسماء
أنا لأجلك صناعا لمعاركي و مواكبي
أنا لأجلك مانحا بدايتي و نهايتي

من طرف meme almansory 2012-01-20, 12:15 pm

مشكوره ام عمر على القصيده
وانشاءالله ليبيا اتعيش في خير و أمان

من طرف أم عمر 2012-01-20, 4:45 pm

شكرا لمروركم و ردودكم المميزة.

من طرف الماسه 2012-01-20, 9:19 pm

يارب دولتنا تعيش هنيه
داعين في المغرب وفي افجار
يا من رزقت الحوت تحت الميه
ورازق الطير اللي لرزقه طار
كمل علينا نعمة الحريه
وترعي ضنانا كلهم ثوار
تشفي الجريح وسرعته في الجيه
بيش يفخروا ناسا لهم لفخار
يالله ياربي رفعت ايديا
ندعي لوطني قلت يا ستار..

يعطيك الف عافيه اختي ام عمر
اختيار جميل جدا احييك عليه
ربي يحفظ ليبيا الحبيبه
ويعم الامن والامان فيها يارب