قصيده للشاعر عمران القزون

من طرف جمال طاهر الفائدى 2012-05-03, 1:54 am

ديما يا العين *** بضعفك كان هفوا غايبين *** تشقى فى.. ديما يا العين

من ضعفك تلافى*** اتقول شقاى عندك موش كافى

ان جاك منام ولا طيف لافى *** تشيلى صوت تشقى هانيين
نار قديم كانت جمر طافى *** اتبات تقول شاطت ها الحين
تفجر فى حالة حزن غافى *** صبر ايوب نبى مرتين

ديما م الرياااف **** وضعفك رغم صبرى ع الخلاف

ان جاك منام يلفولك ارياف *** تحوسى كيف من فاقد جنين
نين عليك من دمعك انخاف *** شديد العزم عزمه لك إيلين
حتى كان جايب من اوصاف *** اصحاب العزم واللى صابرين
ولكن فىِ ميزه م الضعاف *** حالة حزن لدموع الحزين

منه ريت كيد *** ضعفك فى مهايات البعيد

وانراجى دوم والمرجا يريد *** نتيجة شى يقسم بين بين
مغير رجاه حاجه ما يفيد *** خاطى عمر ضايع فى حنين
وخذيت قرار من جانب وصيد *** غراب البين باسط لى سنين
وحتى كان ندمت القليد *** وقلت اقدار كتبن ع الجبين
كذب ان قلت يعمر من جديد *** اللى النيران خلنه عوين

من ضعفك وكابى *** يشقى فى ِجبدك للغوابى

وعودة شي فايت من شبابى *** فيها عذر نلقالك منين؟

شورك يا بو عياد حط فى كترك
ٍ[واهداء خاص للعاشق الصغير[