ما من عزيز وغيره ,,,انسينا مناويله وباب قذيره ، وابري فاهقه

من طرف **العاشق الصغير** 2012-06-03, 7:09 pm

ما من عزيز وغيره

لشاعر المميز مهدي الغزراف

ما من عزيز وغيره ,,,انسينا مناويله وباب قذيره ، وابري فاهقه

مامن الي غاليته .. من دون العرب ياخاطري وديته ..
علي ايدي قراه الصوب علا صيته .. نين ما اوطي عيبه ولا تقصيره ..
سقيم الريا ياعين نين طريته.. للناس احسدوني فيه بات حجيره..
وماتقول شاكاني ولا شاكيته.. ايام والغلا نارا معاي كبيره ..
وما حسبت نقدرها عزيز نسيته .. ويطفن مناشيبه بعد وهويره ..

مامن إلي القسامي.. لطن دناه ونا ارقاق عزامي..
ساقن رحيله سوق من قدامي.. شور العدا باتت علي قهيره..
وانسيته وجدن بالغريب ايامي.. صغير سن ماغابت علي بصيره..

مامن غيه.. في شوقي مشت مالياس والحسديه..
عليها بكيت ابكا ايتيم رميه.. اشرب كاس من ميل الزمان امريره..
خذات وقت صدعتها معاي قويه.. وبات نسوها لخاطر احساب جبيره..

مامن ألى توصيفه.. شبيه القمر نص الشهر في صيفه..
خذينا معاه دلال سمح الصيفه.. اوين صحله عاكس وخذ عوكيره..
هذاك نسوته ماجت علي خفيفه.. إلي قبل للخاطر سبب درديره..
وباتت نسيتي للغلا تخريفه.. وطال الخبر لكصي وطال الجيره..

مامن ألي دردرني.. بلاعيب مني بالخطا عكرني..
ايريد غير يقهرني بها وقهرني.. معاه فالغلا ماشي نضيف سريره..
علي نسو طابانه اليوم جبرني.. كويت عالغلا ماعد جديد انديره

م ن ق و ل