تلاقيت نا وياه

تلاقيت نا وياه
ماشى وجنبا ماشيين ضناه
الغايب بعد مده
امعاه عويله
قابل وكانت غايتى نمـــــــشله
نسلم عليه نعاتبه نشــــــكيله
ليش الغياب وليش طال جـــفاه
واذكرت كى ريتا اسـنين جميله
اياما وهو فاضى ونا مشــــــكاه
كنا نتلاقــــــــــوا كــل يوم وليله
وماضى تواره كنت فيه امـــــعاه
وانقطعن اخبارا وين شال رحيله
عليا تباعـــــــــد كنت جار احذاه
ودورت واجـــــد ما لقيت وسيله
ونحسابه الغالى مايطول رجــــاه
واليوم قابل بو عيون كـحـــــــيله
وماحــس كى مـــــريت من يالاه
صــفــــــقت بيديا ونا نومــــــيله
وانـقول فى ســـــــــرى الله الله