]كافيتنا بالجرح شـن درنالـك

من طرف **العاشق الصغير** 2012-07-12, 11:25 am

كافيتنا بالجرح شـن درنالـك
واخذ جميع الـي امريـح بالـك

مـــــوش اكــفــانــا

اتدير العطيبة ياعطيـب امعانـا
عـاود شريطـك لاورا تلقانـا
كنا سبـب فيهـن ايـام دلالـك
واعـداك درناهـم الـذ اعدانـا
وعاديتنـا كانـن اردود افعالـك
درت الفسالة ليش مـن يالانـا
بلا عيب منـا يالخايـن طالـك

مـــــوش سـلـفــنــا

نحن الي فـي ضيقتـك وقفنـا
اودرب الخيانة مانهـار عرفنـا
وانت عليها كـان كـل عوالـك
منـك امواجـع واجـده ستفنـا
شلت القنـاع اودرت مايحلالـك
اسموم بيـرك وافيـات غرفنـا
سـدك تهـدم واندلـف شلالـك
اوسيل المواجع للهمـوم جرفنـا
اوبكيت من ياما زمـان بكالـك
زمان منعوج من ميلتـه خوفنـا
علي عكس ماتبي ايجي مكيالـك

يـــاخـــاذلـــنــــا

ياما احمولك من اكتوفـك شلنـا
اوياما علي شانك عـرب دللنـا
اصحاب او رفاقة اوكل من يدمالك
اوياما افحقك كـل زينـة قلنـا
وان عزت فزعة نسبقو مرسالك
عدا هبـا منثـور كـل عملنـا
اساويت بالانذال خـرب جالـك
فيـك احتسبنـا ربنـا وكلـنـا
مثـقـال ذرة الله ماينـسـالـك
م ن ق و ل