سيدك عمر (المبروك الزول الحاسي)

من طرف **زهرة اللوتس** 2012-07-23, 10:39 pm

سيدك عمر (المبروك الزول الحاسي)
في أحد الأيام دخل الشاعر المرحوم المبروك عبد المولى الزول جامعة عمر المختار في مدينة البيضاء
فوجد طالب وطالبة جالسين تحت صورة شيخ الشهداء عمر المختار
وكانا يتبادلان الحديث.....فغضب الشاعر من جلوسهما تحت الصورة وعدم مراعاة حرمة الشيخ الشهيد
فوقف عند هما وأردف قائلا للطالبة:-
سيدك عمر ياما لهد بحصانــه***وياما معا لجواد شال عنانه
سيدك عدى
لا يوم ذل ولا نهار أجدى
ياما ظهر تحته حصان وعدة***لا قوت عنده لا اركب سحوانه
عنده رفاقة يدهم في يـــــــده***لا اهربوا اولا رضيوا أل وطنك هانة
أجواد ينفروا عالوطن وان الشدة***فرسان قسو مارضيوا أبدور عفانة
سريب الغلا مو عيب لكن حده***امقحز مكانك هذا موش مكانه
سيدك وينه
أووين الرفاقة وينهم يا زينة
اللي قبل كانوا والبلاد حزينة***ما الهم عالغازي عروق حنانه
بيش يا مليحة يسلكوا في دينه***ايهدوا أتقول ارتال حرب اديانه
واليوم يا مليحة وين نحنا جينا***ألقينا زها وأنفوسنا مطمانة
ياما كمن أل عدوه
وياما اداعا عالمهاجر جوا
فارس ثرى وطنه أبدمه روى***وروحه امسبلها أل عز كيانه
ومامن نهار شديد قاطب نوا***نال فيه عز النصر في ميدانه
فارس ايعز الوطن دار امروا***سطرها سجل المجد في ديوانه
ياما كمن فالغابة
وياما نظر من هول شين عذابه
وياما ثنا واجد الوطنه جابه***وياما ابفعله فرج الحزنانه
وما من فخر جابوه هوواصحابه***ذخيرة أمجاد الوطنا وضنانا
ودارولنا تاريخ واسع بابه***وأبقي صيتنا لا فوق عالي شانه
عيب وعورة
اتديريلنا مجلاس تحت الصورة
راعي حرم لجواد يا غندورة***وراعي حرم تاريخنا ومكانه
سيدك مشا لكن أمخلي صورة*** جميلة وما نبو لهاشي هانه
واليوم كان للمجلاس فيه ضرورة***شوفي مكان بعيد موش احذانا
الجلسة ابطيب وطرح مي منكورة***ولا الدين عن عشق الجمال نهانا

من طرف شموخ انثى 2012-07-23, 10:45 pm

صح لسانه

سيدك عمر (المبروك الزول الحاسي)

سيدك عمر (المبروك الزول الحاسي)

رد: سيدك عمر (المبروك الزول الحاسي)