لشهيد البطل عميد طيار محمد امبارك العقيلي

لشهيد البطل عميد طيار محمد امبارك العقيلي

محمد المتواضع قليل نظيره == ومحمد طريق الخيرين اختار
ومحمد ارضى ولديه في تدبيره == ايبان وين دبر بلا دبار
ومحمد شهيد الوطن كثر خيره == سطّر ابدمه مجد وإفتخِار
عاش بطل ما كتبت عليه صغيره == ومات بطل بشهاده لربه سار
عنده علي حرمة ابلاده غيره == ابراسه تلقاهن ارتال اكبار
لولا تساخير الكريم وخيره == ومهدى وفخر الدين والثوار
وكل من تعلا فى سماك ابطيره == ارجال سرب من فرزت اطيور حرار
ارتال قبل جنك زاحفات امغيره == ادروع وجراد وحبل عالجرار
حتى فالحروب الداميه الكبيره == ما هل الحديث انقول عمره صار
هذول هلك يا يام الثلاث الخيره == وهذول هم شبابك فالبلا جسار
دونك ايخشوا فى لهيب سعيره == عوايد ضناك احفاد بو مختار
الشايب اللى دونك ضبح قزيره == امجرع عدوك كم كاس امرار
ركاب اقمري عاتي امنقرش ديره == سيد السبيب السمح والغيّار
فكاكت اقيودك يوم قلتي ديره == تعرن افداك اصدورهم للنار
ادعيلهم اسياد المرجله والغيره == يسكنهم الله فى جنة الابرار
واخر كلامى فالختام انديره == صلاة وسلام وذكر واستغفار
علي من قضى ربي ايكون بشيره == نذير امته مالشرك والكفار

ربى يرحمه ويغفر له .... ويجعل الجنه ... مثواه ..... أهم حاجه تكون الصفحه البيضاء مع الله .... عز وجل .... الدنيا فانيه ... بلى فيها ....

على المرور

يا ناس حد يفهمني - اللجنة الامنية وين ووزارة الداخلية وين - كيف شبه كل شهر - يغتالوا عقيد او عميد في الامن في بنغازي - شن قصتهم - حد يفهمني = من يغتال في الناس وكيف في بنغازي

شكـــــــــــــ ـــــــــرآ وبـــــــــــــارك الله فيــــــك