غابت اليوم لبل وغابوا هلها .. وشاخت عليها ناس ما تقبلها

من طرف **العاشق الصغير** 2012-09-29, 9:44 am

>

الشاعر علي يوسف اسليم

غابت اليوم لبل وغابوا هلها .. وشاخت عليها ناس ما تقبلها
غاب سيــد الناقــه.. اللي عمر ما دنقر نهـــار امـــلاقه
فصاحة لسان وبندقه عواقة.. ان منظر على شاة الغزال قتلهـا
وان جا للمحاضر كاملات زواقه.. مايقول كلمة ميش في فصـلها
بعيد السوايا عاليات اخلاقه.. الناس بالمروه والحشم خـاجلها
وما عمرهم جابوا نباه رفاقه.. تقول العطيبه من فــلان فعــلها
عايش امدلل مو رباة لقاقه .. كلمة اتمس الشــــرف ما يحملـها
غاب مـــن يحميــها .. اللي بدقرته ديما يحـــــاذي فيها
وين ما عقاب الليل روح بيها .. وحاشت على طوقه أطوال خجلها
تقول مرحبا وتشوش وتلاقيها .. وتواطي العمد وقتا يتــوق أولها
وشقت عمود الفجر تبدا فيها .. تلكز جميــــع الشايله تبهـلها
ووان الضحا يجرها راعيها.. امعابر ســـــاهل لاوعـــر لاجلــها
يا محلى توقتا بعد ترعيها.. بعيد وين ماشال الســراب هلـها
غاب مــن يكسبـها.. وتمت ذوايح كــــــل حــــــد يلغبها
وهي قبل كانت في حبا صاحبها.. لا يسب لايشتــــم ولا يلعنها
اتحدد تحوش منين ما يعجبها..مدة حياته عمر ما جفلــها
لايمل منها لايهاب تعبها..حامل جميـع الكيـد ومــدللها
و وان الجفا شور العفا يسحبها.. يعيش وين موعايش الريم أخولها
وتبقى تنزل في عصير عصبها.. نين يشطحن منه قيـود أشملها
و وان البداري حشوها يهلبها .. طراطيش من صوكة أنياب فحلــــها
م ن ق و ل

من طرف فرج احميد 2012-10-04, 6:24 pm

رائعة تسلم اخى العاشق

غابت اليوم لبل وغابوا هلها .. وشاخت عليها ناس ما تقبلها

غابت اليوم لبل وغابوا هلها .. وشاخت عليها ناس ما تقبلها

رد: غابت اليوم لبل وغابوا هلها .. وشاخت عليها ناس ما تقبلها