ايحودد غيضه

ايحودد غيضه
ساعة علي ساعة ابكى وجضيضه
عليه خاطري مابا
يزيد ازيادة
اطاول شقا عقلي وباب نكاده.
.فرقا احزام الجيد بيض عضاده
امحرم علي عيني هنا التغميضه
منهل العد اللي اقلال اوراده.
.تبقى بدمع اتفيض كي تفويضه
يحودد همّه
مع كل جيهة جايته ملتمّه..
رمّه ورا رمّه وراها رمّه
اصناف المشاكل جايّات قفيضه
وان دار الغلا عقلي الياس ايشمّه..
انكانهو مسّا يصبح خراب ربيضه
ايدير امروة
وينسى غلا اللي خان ياخذ سوّا..
ابكانا علي مولى الغثيث املوّى
توجع الخاطر كي انقول قريضه
ومازال دابي جرحهم لا جوّا..
علي كل تيقة مختلف تقضيضه
ايهون سريبه
وين ماغفت عيني العقل ايجيبه..
عزيز دارلي موجع اصعب تطبيبه
لا له فقيه ولو دوا تشضيضه
احمول كيدهم شايل قنا وصليبة.
.وحيلي برد ماعاد في نهيضه
ايدير عزايم
ولابيت ناخذ فيه لومة لايم..
رقيق الشفايف خزر عين الحايم
فارض علي روحي غلاه فريضه
ديما امفيت عليه نطوي صايم.
.بطول الزمان ودنيته العريضة
ايحودد باس
الخاطر ايخمم محتزم منهاس..
من حشا جفى مولى الغثيث اكداس
تمّت العين اتزفزف اتقول مريضة
قلبه علي اسود اتقول اكباس.
.حتى كي نهيته كادني ترييضه
ابطول ايامه
يذرف عللي لاطّات اقسامه.
.يابو غثيث اتقول ريش نعامه
مدعاك انت حافظته العين حفيظه
كلّي العقل ماعندك عليه ملامه..
عطيب هو من غادي وعاب حويضه
ايحودد ياسه
تخاطن اريا ناسي ورغبة ناسه.
.ملتاث خاطري ديما علي مجلاسه
عيون من جزى في صيق واعر قيضه
مولى الخجل فوق الحزام تكاصى.
.داير زداوي ساعة التنقيضه
العقل ايدير
عزايم وينساهن بلا تفكير.
.وانكان قلت ياعيني انسيهم خير
تبقى اتقول اذوق في حميضة

الشاعر مراد البرعصى