حلاوة العلل للمجاريـــــــح

من طرف **عبدالحفيظ عوض ربيع** 2009-09-30, 10:58 pm

للشاعر محمد بوسته
حلاوة العلل للمجاريـــــــح
اللــــي يحسبو في احسابه

اللي يعرفو فيه بالميــــــــح
وفيه الخـــــطا من صوابه

هل اعقول ينجرحوا صحيح
والســــايل؟ يردوا جوابــــه

مااحذاك يبقوا مطاويـــــــح
تحلف بداهم تعابــــــــــــه

يحسابوا الضــــــحـك تفتيح
ونازلين دار العطابـــــــــــه

ما يحسبوا الشــاعرفصيــح
ويقول في احكم زرب غابه

للســــــــامع بسره يبيــــح
من ضيق ضيم فاهق زرابه

هضا ان تم موش تطنيـــح
*** ولو للطمع والطلابــــــة

ولا مقصدي فيه تصفيــــح
ولا حد انواطي بقــــــــابه

الا امغيرللدي توضـــــيح
وكل سطر عـــامد اصحابه

وحلاوة البنــــادم صريـح
ويقول كل نايــــــل اعجابه