اسم اللي خلاني ننهال..الخاء والدال.الياء والجيم الهاء تكمال

من طرف **العاشق الصغير** 2013-04-01, 12:54 am

اسم اللي خلاني ننهال...الخاء والدال...الياء والجيم الهاء تكمال

اسم اللي نبدابه بالخاء..الدال والياء..الجيم الموصولة بالهاء
اشاظا نحسابوه برا...وهو قتال...الجرح الي جاير مازال
علايل منعقدات كما...الخاطر شال...مغير ايجيب الله حلال
أتسفي في ممشوط طوا...أسود نشعال...ضفايف عالعاتق ميال
غلاها في لعروق دبا...ولا رسال...خبر عنها جاني بعجال

اسم اللي خلاني سكاب...رقت لهلاب...النار اللي كانت منشاب
التاجر في البيعة كساب..اندار المال..عرب تحسد رزقه الحلال
الانا واخذني سلهاب..بعيد الجال..مصوحب ياعقلي موال
أعيون اللي رص المخلاب..جفا ياخال..تواره مايجيبه دلال

اسم اللي لا هنته لاهان..هلب غزلان..اللي مايثمن بثمان
خويلة تحدر في وديان..عفا وأجبال..الصايد دايلبه مشغال
لريل لباس الرنان..وداعه قال..غلاكم عندي ماضي وزال

اسم اللي لاطشها بدموع..العين اتلوع..ابكا قارن كمين اسبوع
مرادي بوسالف منسوع..رخا لحبال..عزلنا ماغابي في الحال

اسم اللي ياصاحب رازيني..وان الليل ايجي بجروحة
نامانـــــي قاصـر في دينـي..ولاني مالناس المريوحـة
بومــشية جـراتـزعبيـــني..شور غلاه طلقتي سوحــة
قدري بيـن النـاس فطينـي..ولاني من لي شايف روحة
واضح بين الناس عريني..نعرف وين انحط اقروحــه
اعطشت وهو مابا يرويني..بين ارمال..اتقول الا ناظر تمثال

اتصدق نا ((لمحة ناظرها))..غاليت غلاها بكلام
هابا ناوين انبسكرها..وصفك من راسك لقدام
الانا ياصاحب عاذرها..شارب من مره الغرام
وديمة في عقلي شاكرها..جفوتها ماهيش حرام
بالك شي صوب امصادرها..جديد معاها مسع رام
الانا هاللعــوعة طامـــــرها..نيــران اتــوقد فحـــام
صابر من هول مسامرها..تخطر وين ايجي الظلام
لاعند الميــــــتة نذكرها..قبل اشهــادتــها بخــتــام
خـديـجـة وحكايات خبرها..بين اجيـال..سعتا وبعدين ومـازال

الشـــــــــاعــر بــوبـــكـــــــــر الـقــــديـــــري

م ن ق و ل