الخيل في الموروث الشعبي الليبي

الخيل في الموروث الشعبي الليبي


شوفك شوف قصير قيونه
هلي لونه
دم اللي لشعاب اسكونه

شوفك شوف خماس امجبّر
لاهد غبّر
في البرمة سمى ويكبّر

ع النيران حدر مصبّر
هونى خونا
طفاها الرجعه مضمونه

وها الفارس دوزان ايدبّر
ماهو الخونة
لاهن رغابات عيونا

عنى نجعه دوم ايخبّر
من قطرونا الى برقه شهرة امعلونا

واطري شوف

شوفك شوف اللي حرماس
اللي ابشته كيفه في اللون

احزامك كيف اللي دعاس
انحس اركاب خفيف ايكون

ولا يحرن لاهو نكاس
اطيابى السيده ماو من دون

وغالي حطوا له الحلاس
اقلادة وسياله وحصون

اخدودة اضاون كي للماس
عليه الدير ايجي مفزون

وقنزاع افملهاده حاس
وصيته في برى امعلون

كفل في بعده اتقول اكداس
ارمال الشاطي اغلب لظنون

وذيلة فتواه كنّاس
سبيبه امهايل زاهي اللون

اتشوفه في ميزه بالباس
لهيد وفي البرمة ميزون

علم لهده كيف النبراس
ايعاون كان اتريد العون

ولد اجواد اللي ع الراس
ايحطوا من جاهم مخيون

عرب ياناشد مش خنّاس
الوسواس وحده المسنون

عرب ياناشد كيف الماس
وكي الريله معدن ميزون

عرب جابووو خايل للباس
اللي مصيونه
شوف اكحيلية المزيونه