قبل العيد ...... تعال زورنى واجرك كبير أكيد

من طرف **عبدالحفيظ عوض ربيع** 2013-08-12, 8:26 am

قبل العيد ...... تعال زورنى واجرك كبير أكيد ...... انسى الزعل وارميه
قبل ايــطـــل
عيد التسامح والهــــــلال ايهل
تعال شوفنى يا ريت قبل الكل
وارمى احزانك فى مكان بـعـيد...
لا تشيل فى قلبك علـيا غــــل
ولاتكون فى صوبك معاى عنيد
بينى او بينك مانريــــــــــد زعل
ولا انريد غيرك ف الحــياة ياريد
اكســـــر الشر معاى دور حــل
نحنا البعضنا ما اعنــــــاد ايفيد
قبل ايـجـــــى
وقبل الملامــــــــه فيك ولا فى
فى عيد ربى روف حتى اشوى
وارمى وراك الجرح والتنكــــــيد
مازلت نرجى فى رجوعـــك لى
ومازلت فى سيرة غلاك انـــعيد
مرايف عليك او خاطرى فى دى
والشوق عندى كل يوم ايــــزيد
غير ديرها او جــــرب تعال على
مانريد منـــــك غير مدت لـــــيد
انسى الزعل وارميه قبل العيد .... تعال زورنى و اجرك كبير اكيد