راك أتملي .. عليك شوقهم مافيك عزم أمخلي .. أنداقي علي غيّاب

راك أتملي .. عليك شوقهم مافيك عزم أمخلي .. أنداقي علي غيّاب
*-*-*
دوم انهالي .. عليهم ابدمعك لين يفضى بالي
اللي أغيابهم طايل مدد واجالي .. وشوقهم إيرافق في رفقت ظلي
اونارهم هبت جاشي وضاق مجالي ..علي شانها شيلي الصوت وقلي
ولا انسيتهم لا فارق...وه خيالي .. إيجو في منام الليل يانا نلي
وبعد عمارهن تمن خلا فالخالي .. اديارهم امفيت خيالهم خايلي
انداقي عليهم لا اتحسي والي .. وكل ما إيقولو فيك عنك خلي
ني انهندبك وانتي عليهم شالي .. وقجي ادموعك لين يبرد غلي
*-*-*
راك أتملي .. عليك شوقهم مافيك عزم أمخلي .. أنداقي علي غيّاب
*-*-*
راك أتروقي .. وراك تنزحي دونك ادموم اعروقي
اللي سمروك الليل جورك سوقي .. عليهم وما اديري اعزوم اتكلي
جبتك وريتك وفيهم توقي .. مع غيرنا بنيان فيه ايعلي
اشبوبك عليهم سابقات أبروقي .. نبيك ونبي باب الاوهام اتحلي
اسوال النبي يا عين كان احقوقي .. ايجني مع طولت ابكاك انضلي
لا تخلصي ولا عاد يكمل شوقي .. ويش زارك فيهن احمول اتقلي
وما يشغلك روعي وكتر أشهوقي .. امنين دمعتك فوق الاخدود اتشلي
*-*-*
راك أتملي .. عليك شوقهم مافيك عزم أمخلي .. أنداقي علي غيّاب
*-*-*
عنك غابو .. امفيت اللوايع في كنيني سابو
دوبة امزان اغلاظ عنك دابو .. وطرشو عقايدهم ودونك حلي
ودورت الخطا اداعو عليها ازابو .. وخلو علايل مالمنام اتجلي
*-*-*
راك أتملي .. عليك شوقهم مافيك عزم أمخلي .. أنداقي علي غيّاب

ر ائعة تسلم اخى عبدالحفيظ