الشاعر عبد السلام الفاخرى-الاجواد

الشاعر الكبير عبد السلام بوجلاوى الفاخرى

قول اجواد عبدالسلام بوجلاوي الفاخري

لجواد عند قولك فى نهار الهانه=يجودو صحيح بروسهم والمال

لجوادللضعيف بخيرهم عوانــــه=أوخوت للوحيد الى قليل ارجال

لجواد للغريب الى بعيد اوطانــه=يعيش بينهم فسعد ايام دلال

لجواداليتيم الهم عليه حنانــــــه=اطوال العناع الجــــار والنزال

لجواد فالنهار الى رسم دنانــــه=ايجيبو ثناه ويختفو لنـــــــــذال

لجواد بملام الخير لك ليانــــــــه=وبالغصب يصعب قدعهم موحال

فراسين مايخشو الامولانـــــــــه=اصدارهم صعيب امجربين ابطال

واكرام يفرحو بالضيف فى الفيانه=وتزيد زود جودتم مع لكــلال

لجواد من امعاشرهم انسى حبانه=ماعد امعاهم ع القريب اتســـــال

لجواد من طرفهم ماتجيك خيانه=لايرتضو فى جارهم بطــــــــــال

لجواد غوشهم ما تسقطه الشطانه=ولاتخشهم فتنه وقولة قــــــال

ولامن مدح لجواد فى امدحانــه=ايحودد الهم مالقول زين افعال

لجواد وصفهم يعجز عليه السانه=الشاعر ويبطل مالكلام بطـــــال

كلامك الى قلته عليهم جانــــــــه=صحيح قولتك يرحم ***** اندال

وانكان ديل مايطلب جدا عدوانا=من عاده ولد لجواد لويقتــــــال

عصران وقوى ثقته وايمانــــــــه=ابنفسه ورب الكون ذو الجـــلال

مشكور من ضناعمه ومن جيرانه=اووالده اووالده ارضاهم نـــــال

بزينه يخيب فالخلا من دانــــــــــه=كريم وطري العظم موتنبـــــــال

حشيم لوقبيح وطويل السانــــــــه=اوما يوجع السايل ابردســــوال

يصفى العقل ينحلن ابوب اذهانــه=لجواد ابعللهم وين ما ينهـــال

لجواد هل فتاه امربيه عصرانــــه=اوزينه وزايدها الله جمـــــــال

ايعيش زوجها مسعد ابطول زمانه=مزوج وداير للعويل خــــــوال

ايكون ان مشا نفسه بها مطمانــه=ويكون ان قعدمبسوط فاضى بال

موش كل من لايم على شوذانه=ايقولو تريح دار بيت حـــلال

احيانا اوما عرسه هلب طابانه=امعاها تنكد عاش فى ملال

امناسب افلان ولامر فيد افلانــه=اتميل عليه مع الزمان ان مال

وديرله الحس انكان جت حرجانة=حماته وترسم سوق بــــالدلال

اتعيب عليه وبنــتا غلطانــــــــه=اتصعدالماء مصعد امعــالجبال

اسلمت

عبدالكريم الشاعث كتب:اسلمت

الله ايسلمك من السؤ