رقم القديم القيت داير رنه...........

مشاركة جديده ارجوا ان تنال الاعجاب ..
*رقم القديم القيت داير رنه*** ايش خطره وايش جاب عقله كنه
طلبته طول **** ما با ايرد او دارلي مشغول
قيسه تلكون ما عرف ما ايقول** كي المنفجع كرعيه ما شالنه
اونا عارفه طبعه امعاي خجول** ماهو مثيل اللي امغير عالبنه
وله اصل من عيله اولاد اوصول** واخذ طبايعهم ابفرض او سنه
رقم القديم القيت داير رنه...........
قعدت انفكر**** عاودت لاتصال لكن صكر
ما با علي ايرد جوي عكر** افرحبه الخاطر غير خيب ظنه
والقلب مو ناسيه فيه اموكر ** حقى كي اقسامه فالغلا لطنه
وايامه اللي عدن الهن متذكر** جميع الكلام اللي اوصلني منه
رقم القديم القيت داير رنه...........
انرن عليه **** وين نطلبه مقفل انلاقي فيه
عرفته انه غالط او مي بيديه** وايام الغلا نحسابهن هفنه
او مادام رقمنا قاعد اومو ماحيه** كيفي ثبت ليام ما نسنه
*رقم القديم القيت داير رنه*** ايش خطره وايش جاب عقله كنه
.............. واسليمتكم ..... (( الجاظي ))

*رقم القديم القيت داير رنه*** ايش خطره وايش جاب عقله كنه

تلذيع القديم قهرك....درتى جديد ياعين شاورى

مشكورالجاضى انقنك حاجه كبيره

اسلمت والله اينورك

سمحه
سلمت يا الجاظي

امعاهن انطيراوحدي ** لذعات فقدغياب ماايجو
صح اللسانك يا خوي الجاظي
ابدعت فيها يا غالي

امنور الجاظي لكن من القائل لأن القصيدهالغير منسبهكي لوكال من غير ملح وسلمتو

منور الجاظي لكن القصيده الغير منسبه كي لوكال من غير ملح

امنور الجاظي وليش صورة النصر الهيلع حط صورة حطين ، بس النصر فريق عريق

قصيدة رووووعة يالجاظي

صح لسانك

دلع ليبيا

رحلاني ورا القديم .. ايحطن هجير ويبكرن....
تفاعل غير عادي من قبل الاعضاء تقبل مرورى المتأخر
السلام عليكم

بوفرقه&رولاندو&صلاح&الكابتن&محمد بواللافي &الهيلع&روفه عوض&انتي قلبي&دلع ليبيا&ابومعاذ&فرج بوعوض /اسعدني موروركم واسلمتو يارفاقا/ويا هليع فعلا الطعام بلا ملح باسل والكلام اللي تنشد عليه لي ..........

مشاركة مميزة تشكر عليها

جاني علم او نا ناسيهم
دارت يوم العين عليهم
و رميت يا قديم عليك
ان كانها سفاهة درته