ياالعقل قوى العزم

ياالعقل قوى العزم
لشاعر محمد عبدالرسول البزارى
هو احد الاصدقاء الذين اعرفهم شخصيا
وان شاء الله قصديته تعجبكم

يا العقل قوي العزام =راي بكيتك فيها معدةًُ
لاتكون ضيق علام= واللي فات ماصار عده
بيش ينتسى وننام =شريط الغلا لا ترده
ما هناك عالدنيا ملام= تبني وما تبني تهده
لا توجعك لطة اقسام= ولا اديرها لي غده
كمين نجع بام السنام =والطوق عاش في الخير حده
وحداه زرع داير حزام =تريس في حصاده يقده
وبناويت داب وحشام =ودين خوت في قلع المسده
كبيره يعدالملام =ودون خوه والجار يتنده
وفارسه نهار الخصام= لا ريب ولا اجده
شريف منسبه موش ظلام= امفيت عالعدو ما تعده
يجوك يوم كي شغل المنام= ركابت مفجر العده
البوادي وجوه الاكرام =طعامة العيش بالموده
يا العقل هك الايام =مرة بجود مرة بشده
خطرها كحيل الاميام =وان كان غاب موش لابده
ماعمر لاشئ دام= مفيت رب ديمة نعده
وظروف الدهر راهن احكام= ان دالن الحي يترده
ورا الحي وقت ينضام =وتكيده اللي مي بيده
والناس كيف .... =خلقهم الله أصناف عده
واجد اللي جوه ظلام= لايغربك ضي خده
عايش على طبع نمام= ما مالفتن يوم سده
اللي ما بنى عاش هدام= لا جا لبوه لا جا لجده
هداك فيه لا تعلق رمام =خسارة سلامك مرده
وفيهم اللي مغير لسام= وعلي الحصير قمحه يبدة
في الصاحب ان جاه نهمام= وان كان غاب عنه يكده
هداك هو اللي ماله صيام =امغير لافطرلاتغده
امغير في البطايق اسلام= عمل ناس واجدين ضده
وفيهم الي رايد سلام= ماخلقها يوم شده
تلوم عليه يلتام =اللي وصيل الارحام مده
هديم خودهم صحبة دوام =وخودهم رفق كل جدة
ورالكل شي لازم ختام =حتى ان كان طالت المدة

*************************************************

مشكورعلي المتابعه

مشكور على المشاركه الاكثر من رائعه

مشكورين على المرور الاكثر من الرائع

مشاركة مميزة تشكر عليها