كيف قبل مازلنا

من طرف اسماعيل ادريس 2010-04-10, 2:08 am

كيف قبل مازلنا علي مشوارنا اصحاب عهد وافي عهدنا مازال * ماننزلوا في دار خاطي دارنا قليد قومنا روس العلا نزال*واكرام نكرموا فالضيف وقتن زارنا واجواد عالعصر عشنا حياة دلال*ماعمر شلنا عالعطيب اسفارنا ثقيل حملنا واعر وماينشال*وفي عز عز الصيف موج ابحارنا ايكيد فالمراكب موش قولة قال
****************************************
جاءتني في رساله نصيه على الموبايل ولم اعرف قائل الابيات فهي بالنسبة لي مجهولة الهويه كيف قبل مازلنا 999507

من طرف دلع ليبيا 2010-04-10, 2:10 am

قصيدة جميلة

صح لسانك ولسان قايلها يااسماعيل ادريس

اختيار موفق ورائع

سلمت يداك

دلع ليبيا

من طرف رؤوف عوض الجبالي 2010-04-10, 2:25 am

تسلم وصح السانك .......

من طرف يوسف منعم امهدى 2010-04-10, 3:14 pm

ياناسيه طالن أيام الغيبه**عليك هنت والاّ من أظروف صعيبه؟
****
طالن ايام الفرقه**ونارك مع وسط الستاير ترقا
وياما أحملنا من ليالي زرقه**والعين شاقيه بغلاك وأتهاتيبه
وكي غلاك ماغليوا عرب فى "برقه" **سواء من علَم والاّعريب عطيبه
نحنا موش لقـّاقة ظلام وسرقه**نحنا صوبنا كل العرب تحكيبه
شيّالة الطايح فى نهار الشرقه**نهار كلّ حد هارب لغير الصيبه
أصحاب عهد وافي موش كذب ودرقه**أنواع الكلام أنفصّلوا ترتيبه
قطعتي غلاء دوبه تمكّن عرقه**حلّفتك إيمين وبالنبي تشقيبه
وأنعدّوه كي مسحة شراب العرقه**أنتي تتركيه ونا عليّ أنسيبه
ونوطا على عقلي ونار الحرقه**صبّار خاطري نقدر عليه أنجيبه
والمولى خلقها كل حدّ له طرقه**أمفصّل الدنيا فى أطوار غريبه.

كيف قبل مازلنا 494103