بوستة

عليك جيت يادار زعلان ... ونخمم وحايس مداري
قوليلي عليك لامان .... وسانقولك ناسراري
اليوم هلك هم في لوطان... برمت فيك ماريت ذاري
انجي امهاكعا كي البطلان... سطير ضيم فالدم جاري
اتقول يلفحن في نيران ... واشباح يجبدن في عواري
بعيد مالطرب غير طربان ... حزين عمر لكن انواري
ضعيف حيل ثاريت لنسان... بشواش وين يدرا الداري
ايطيح في تغاويط عصيان ... ويطيح من اعيون الجواري
ونا وسعي مالوقت مليان ... نين جار ضلم نهاري
علي ماجري قهر وحزان ... مانسيت قهرتي في اكباري
ذابوا كما هفو غشان ... ذرنا ارياح البداري
تخلاق عزنا بين بلدان ... ونسيوا صهيل السواري
بعد امطارحت نزل فرقان ... ملا في اكتور السحاري
اللي مافنا طاح وندان ... وابقي من اقلال المطاري
اللي انجيتم وانت شرقان .. ايطيب خاطرك لسهاري
اللي ازرعوا في لحسان ... اللي يقبلوا في اعذاري
ونا طفل دايريلي شان ... اصغير وعايش بطاري
نلقان فقدهم شين وشان.. بلحيل وين بانن اصداري
اوهام نزلهم بين "خولان"... وبين بوحني بوطواري
الوادي الي تم قحطان ....واجداب شين عالوطن زاري
انجا اشبوب خلا الغدران ... اجمام من شراب القعاري
لا ميعدوا بين خيان........ ولايبصروا بالغداري
في كل وقت ماعندهم وان .... بعيد يسحبوا في افكاري
علي كي خطر درت دنان .... فرقاهم امضيق حباري
تهايتبنا حس نسوان .... ورزيم امهات البكاري
يرق عزم بو قلب صوان ... ويدردر العلم القاري
واليوم غيرهم داير اللسان ... حكا وشاخ يانا وناري

بدون شك شاعر شعبي كبير ومن اهم شعراء العبيدات ومن الشعراء المفضلين لدي ....ولكن علي ما اعتقد القصيده فيها نقص علي الرغم انها مكتوبه بالعاميه كماء يجب ولك جزيل الشكر....

بعيد مالطرب غير طربان ... حزين عمر لكن انواري
ضعيف حيل ثاريت لنسان... بشواش وين يدرا الداري

صح لسانك ياخوي منبوت الجبل

قصيدة رائعة

ربي يعطيك الصحة والعافية

مشكور يا غالى على ما طرحت