مازال في مطراحة , مراد البرعصي

مــــازال فـي مــطــــراحــــــة *** كيف ما دفن صدام سر اسلاحه....غـــــــلاك دافـــنــه
مازال غامض سره***كيف مــــا دفــــن صــــدام سر الـذره
لا بوش جابه أخبارهن بالمـــــــرة ***ولا صوبكم لايم نزيف أجراحة
بلاكم حياتي يا اعزازي مـــــرة***كي من كلا علقم بعد تفاحة
مــــازال فـي مــطــــراحــــــة *** كيف ما دفن صدام سر اسلاحه....غـــــــلاك دافـــنــه
مازال صــوبـك غالي***ومازال ما يفارق غلاك خيالي
ومـــــــــازال عيني دمعهـــــــا هيالي***علي وين ما تخطر اتقيم مناحة
ومازال ما يقدر يطولك والـــي***ومازال صوبك عاصفات رياحة
مــــازال فـي مــطــــراحــــــة *** كيف ما دفن صدام سر اسلاحه....غـــــــلاك دافـــنــه
مازال في نقناقه***ومازال زولك ما انطيق فراقه
وما زلت ننظر في اسطور اوراقـة***ومازلت زهو القلب وانشراحة
ومـــــازال عيني لـــلغــــلا مشتـاقة***معاكم الخاطر عاش كل افراحة
مــــازال فـي مــطــــراحــــــة *** كيف ما دفن صدام سر اسلاحه....غـــــــلاك دافـــنــه
مازلت نور عيوني***ومازلت روحي وفرحتي وجنوني
ولا يوم هنتي ولا ف يوم تهوني***ومازال صوبك هو أسباب الراحة
ومازالت غالي والغلا دكنوني***عيونك عوادي لخاطري مجتاحة
مــــازال فـي مــطــــراحــــــة *** كيف ما دفن صدام سر اسلاحه....غـــــــلاك دافـــنــه
مازال ليك معزٌه***ومـــــوال صوبك ما قدرت نحـــــزٌه
عمره البدن عالروح مـــــايجزٌى***ياللي ف قلبي واخذين مساحة
أجعنه غلاكم فيه مــــا نترزٌى***بلاكم عيوني دموعها سيٌاحة
مــــازال فـي مــطــــراحــــــة *** كيف ما دفن صدام سر اسلاحه....غـــــــلاك دافـــنــه
مازال عنده شان ***وما زال قلبي بالغلا مليان
ومازلت تجري وسط من الشريان ***ومازلت غالي غصب ع النبَـــاحة

مــــازال فـي مــطــــراحــــــة *** كيف ما دفن صدام سر اسلاحه....غـــــــلاك دافـــنــه

اود منك اتأكيد على المصدر الذى احضرت منه هذه القصيده وانا احترم مشاركتك ولكن اذا كنت غير متأكد احب ان اخبرك ان مراد من نفس منطقتى واستطيع ان اتأكد لك .. وارجو منك الا تنزعج من كلامى ولكن هذا من اجلك انت قبلى واذا يزعجك الامر زى مايقولو ((انسى ياعم)) او (dont worry )

مشكورين ع المتابعة