شتاوى عالمراجاه والشيب

عمرك ريت الهذب أيشيب .......... فى مرجى مازال أمغيب

مطاول يا مرجى ناسى .......... شاب الهذب وصفى راسى

أوقات منابت غير أوقات ........ الشيب أيجبنة لوعـــــــات

ما التخميم على غيــابى .......... شبت ونا فى عز شبــــابى

اللى مرجاهم فيه الياس .......... الشيب أسبابه لوعة ناس

الشيب أركبنى من يـالاه .......... عزيز اللى ماصار دنـــــاه

يا لولاف ايش أينسيــكم .......... صفى شيب الراس عليـكم

نين قريب الشيب كسانى .......... نرجى فى غالى ماجــانى

مرجى هذب العين ايشيب .......... فى غالى مابيت أنسـيب

لايم يا القديم علينــــــــــا .......... راه الشيب مطرشق فينا

شبن فيه عليه وشـــــابن .......... واللى لايعهن ماجــــابن

أن شابن لاحــر ولا شــر .......... عزيز سقاهن كاس المر

ع لـولاف أمصفى شيبى .......... يامـرجى وين امعـديبــى

مرهـون أنسيته ونسانى .......... مـا شيبنى غيـر زمانـــى