غناوي وشتاوي ع القديم والمرهون والقسم والجديد

القديم
1 رنيت يا قديم عليك.......رطز الياس مشغول دارلي

2 اقدم ماقالو هاك دواك.........ولا قالولي موت ابداك

3 لاقاني قديم بكيت ......عزاي قول دنيا فارغة
4 يوعلها ثقيل النوم ..........بكيت العين عالقدم



القسم


1عليك قسم جاب عزيز .....وعليك ياس ياعين ودرة

2 ان كان من غلاك اقسام......طولت الرجا حاملينها
3 لقسام هن نهاية لمر ......عليش ضايقة بيك دنيتك
4 القسم ما عطانا وقت.....والوقت ماعطانا بيش نفزعوا


الجديد
1 صوب جديد اكبر في عيني......ماعاد قديم ايبكيني

2 عالميزان جديد القيتة...... يسوا كل قديم انسيتة

3 لوكان ياقديم امعاك....انضرت خير مادارت جدد

4 انكان يا جديد قسمت نزهوبك شماتة فلقدم


الياس

1 اتغيب يوم وتجي سنة....رفيق عمر ياياس الغني

2 ياس وعين وفية كتيبة...... صارت في صوبي تخريبة

3 نحسابا غلاء وخلاص ......واره ياس موخاطر علي

4 متباوع امعاه الياس..... الفاهق اللي فيه ارجا