أصبر علي المقسوم صبركـ طيب .

أصبر علي المقسوم صبركـ طيب *** الصبر ماعمره رجاكـ إيخيب

أصبر علي الصاحب *** حتي بعد يغلط عليكـ إيخيب

لاتعاتبه لاتتركه وأتغيب *** الصاحب الخيره راه مايسيب

هذا زمان الود فيه صعيب*** والقدر ناقص والرفيق أعطيب

والناس تمت في الكبير أتعيب***ويهزوا علي الشايب أيقولوا أشويب

أصبر علي جيرانكـ***وديما معاهم عدله ميزانكـ

وحتي أن عابوا لين وصلت ذانكـ***أكتم السر وما عليه أتغيب

واللي جفا زود عليه أحسانكـ***تلقي العدو منهم عليك احبيب

الجار مهما جار صون لسانكـ***مادام وصانا عليه الطيب

أصبر علي شيابكـ***وأطلب رضاهم قبل يوم احسابكـ

هم جنتكـ والا أسباب عذابكـ***يوم القيامه يفتحوا الكتيب

وجميع مادرته حواه أكتابكـ***والنار والجنة أحذاكـ أقريب

لا واسطة لا فيه من يشقابكـ***الا الصالح من العمل والطيب

أصبر علي ذريتكـ***وديما مع مولاكـ صفي نيتكـ

وأرضا بمو مكتوب في قسميتكـ***لا أتحير لا تاكل اللي مو طيب

وبالغضب ما تقدر أتحل قضيتكـ***وبالصبر تفتح كل باب اصعيب

ومهما جرالكـ ما أتبيع هويتكـ***وقوة إيمانكـ دوم فيكـ أتهيب

أصبر أن حالكـ ضاق***وأرفع أيديكـ وقول يارزاق

وحتي المعيشة كان ما تنطاق***راه الفرج عند الكريم أقريب

أصبر أن همكـ همكـ***وما ألقيت صاحب ينهضكـ ويلمكـ

كيف نصبر والقلب واصل حده اه اه والله الموفق حلو جدا زي السكر

الله يعطيك العافية على هذا المرور الرائع يا بركة المنتدى

يا ستار /صيور صبر ناما حيه _ _الياس موعلى طول عمرنا@
نصبر نين افرج ربي _غير غلاك انتي مانبي

يا بو طيب...الصبر يا عزيز منين بعد ثمان ياسات وجضر

تسلم اخى استار

الله يعطيك العافية على المرور يا بركة المنتدى