نصيب السكوري /البل ليش تكره في سهيـــــــــل***وليش تخا

البــــل ليش
البل ليش تكره في سهيـــــــــل***وليش تخاف من نود العمــود
والبل ليش في في وقت الجفيل***اتقبل غير تتبع في الجهـــــود
والبل ليش دمعتها اتسيـــــــــل***حنون أمغير في فقد القعــــود
والبل ليش تمشي للهميـــــــــل***امعاه اتبات في روس الجبـود
والبل ليش منخرها طويـــــــل***ولمين دوم يبقى فيهـــــــا دود
والبل ليش في ظلمة الليلة***اتضوي نار في خبط الجلود
والبل ليش كي تقدر اتخيـل***او فيها شوك جوا في لخدود
والبل ليش كي تلقى قتــــل***اتقرقض عضم في فمها اتقـود
والبل ليش ذروتا اتميـــل***أوفالميلاد تطرد في الصيــــود
والبل ليش تاكل في الدقيـل***واليابس خضر في بطنك ايعـود
اوليش اشعلا هي شكلا الجيـل***وما الموال نرجى فالـــــردود
والبل ليش فالجره اتهيــــــــل***وتجفل وين ما يميز العـــود
اوليش الخور في صقع الهذيـل***اتبرك قبل ما ايبـــرك الذود
حليبك ليش يبري في العليـــــل***وشين لحمك لام عيون سـود
وينقض ليش في وضو الوكيـل***سبحان الله صادق فالوعــــود
لو كانت فيك ما أقدرتي الشيــل***وليش النقص عندك فالكبــود
نزلتي فيه لكتاب الجليلــــــــل***ومراحك موش مقبول السجـود
غيارة لون مطراها طويــــــل***أمفيت الرب والله زرق ســـود
اعطينا غير ماالعلم قليـــــــــل***أسماك الهول في وطن الهــود
والبل ليش في حمو الشعيــــل***اتصادر شمس كى عرض الوفـود
ادير امراغ بالزور الثقيــــــــل***وتبرك فيه في مكفات هـــــــــود
عبسا ليش كي ريح الكيــــــــل***رضحا حق سموها صعـــــــود
فيك امراض مافيهن انخيــــــل***سببهن طير مش عين الحســود
انجاك اشفار يا بنت الخويـــــل***ثلاث اسنين مرجاه امعــــــدود
ويقولوا انحاز والحاشي سليــل***ايعادي غير في سن الولـــــــود
ونجاك اجدام له كيه بكيــــــــل***رسن بالنار داروه الجــــــدود
أو عام احداش درتيه الجميــــل***في شياب لابسة اجـــــــــرود
اتشيلي نجع ويزنكل رحيــــــل***نين بنار يرموك اليهــــــــــود
اتجيبي تمر يطلق في عسيــــل***مبعد وين من وطن الغـــــــــــرود
وعام الفين ناضولك عويل
ابكسب اهمال ايردك الله لهلك ما يدوم الحال
مالقيت خير خلال أمصدي وطايح من ويع الجال في ديارهم