غناوي ع الجرح واللي عنده ياريت ايزيد

فوق الجرح ايديكم جرو نبري وانتم ماتنضرو..
مجروح جرح تحته كسر تبيله امداواه علي المهل
العقل مااينام الليل سطير جرح لولاف سمره
ضليمه عليه الصبر جرحه جديد مزال خاطري



دواك فى قديم و غاب\\\\\ انزاف بغايتك يا جرحنا
الجرح يا ابعاد الدار \\\\ يبرى نصيب ويدورد على

جريح ودمعتي سكلاب\\\\ دارت سيل كي يوم المطر

كذب من يقول الجرح*\\\\ بعد عزيز داويته أبري

جديد جرحنا مازال\\\\ علي ما بكينا ما بري

سطير جرحنا مازال\\\\ ماجيت يا مداوي عالوجع

سطير فى كرار الجرح \\\\يوجع طبيب يابال شايله

اللي جرحك ما يداويك\\\\الشافي المولى بقدرتا

حتى لو تميت طبيب\\\\ مانداوي اجروحي كلهن

العين جرحها تقريض\\\\ تقطيرت الدوا ماي حامله

انريد نلمسك يا جرح \\\\ ونهاب فيك من قو الوجع

الجرح ما ايريد احركه \\\\يبقا نهار لوكان تلمسه

اجروح خاطرى تقريظ\\\\ لوكان يقتلن قاتلاتنى

العين جرحه تقريـــظ\\\\ تقطير الدوا مى حامله

لوكان كسر لايمنـــاه \\\\ دقدق عزيز فينا كلشى

اجرحت روحها بغلا \\\\ تحساب المدواه ساهله

اجريح يا عزيز جميع\\\\ شكل لوجاع جابهنغلاك
برين أجروحنا عل الفقــد \\\\ وخدينا على قوت ساهلــــة