الصبر

الصبر صنعة اميار.. وعلة ابنادم السانه
وما ايوردك ع الابيار.. اللى ماو رايز مكانه
ولا لكل دى فسار.. ولا اردود سيه عفانة
ولا لكل كسر جبار.. ولا العذر يمحا اهانة
ولا كل فارس احقار.. خلا عقب يملوا مكانه
ولا لكل راى دبار.. ولا الليط يغلن اثمانه
ولا كل برق شيار.. جاب سيل خاب اجورانه
ولا كل سداى نيار.. خبل خبيل ايتقانا
وبوطبع ماله عذار.. والظالم كلنه اركانه
وراى جوعتك عند الاخيار.. خير من شبع بالمنانة
ما كل من جاورك جار.. ولا كل صاحب قرانه
واصحاب الدموم الكبار.. اتحمل فى اكبار الشطانه
وشظ الفتن كان دار.. يصعب عليك امسكانه
واللى فيك طيبة دار.. ما تشكره فى اوذانه
واللى فيك دار العوار..خلى مكان اشكرانه
وحبال المكاذب قصار.. والصدق تثمر اجنانة
ما صايبة فرغت دار.. ولا فى القبور الحنانة
شبحن اعيون النهار.. والليل سمعن اوذانه
واللى شايلك عالادبار.. شيله ان ثقلن اوزانه
ما فى البحور الابيار.. ولا فى عدوك امانة
ولا كل كوت نقمار.. ولالكل حجلة حرانة
وما اينجر القلب نجار.. وايزل القلم فى اكتبانه
واللى العاقول بذار.. ايشوف العجب فى ادرسانه
وما فايده فى العمار.. ان طالن بشاوى احسانه
لو كان بوزيد عمار .. عمر غصاين اجنانه
وما ينصرنك انضار.. اليا طحت سنو اسنانه
وما ايغربك برق النهار..اليا ما غطنه امزانه
صلاة عالنبى سيد الاخيار.. محمد ختيم انبيانا
بعداد ريش الاطيار.. واعداد انسه وجانه
واعداد رمل الاقفار .. وعد ما هطل من سمانا
او وحدوه رب الكبار.. يا الله سهل اخطانا

احسنت نتظر منك الجديد

مشكور على هذة المشاركة الجد قيمة