اوهام اولافي

أوهام أولافي بعد نسيت
عليهن جيت دياره ريت
بكيت ولا ببكاي أوعيت
جيت لقيت مغير أوكار
أوهام أديار
خلا ما فيهن نافخ نار
بكيت ونا قولي صبار
بعد عزيت
عزا ما في الانظار لقيت
حدر ماقيهن كي الامطار
ولالاويت
ونا عاقل قولي خفيت
سناحة في أيام وهو جار
عليه كبيت
بعبرة عودانه شديت
مشيت ونا في في جوفي نار
بهن جازيت
جروحه بوهذب امفاليت
بدي طيفه سافي الجرجار
أن كان غفيت
معاي ميعاده في البيت
أنفز ونا شارد الافكار
غطاي سفيت
عماه ونا نايم صبيت
أنبهت ليمن وليسار
ولاحد ريت بعد تبهيت
وجري وتلفيت وتصنيت
أنشاكي في الطير اللي طار
هبيل بقيت
الا غير جهامة تميت
عزيز سقاني كاس أمرار
ولو داويت
دواء غيره مافيش لقيت
أمجزيني كاحل الانظار
خلاص نهيت
الحب وبيبانه سديت

احسنت نتظر منك الجديد

مشكور على هذة المشاركة الجد قيمة