ثلاثيات ليبية

ثلاثيات ليبية
ثلاثة يتمناهم الليبيين: السكن في طرابلس ... والعلاج في تونس ... والوصول لسن التقاعد.
ثلاثة ما تحلمش بيهم : السفر للسياحة ... وتصيف مع عايلتك ... وكأس العالم في ليبيا.
ثلاثة صعب نتخلى عنها : الماء ... والهواء ... والبازين .

ثلاثة لازم نتخلى عليهم : التفنيص ... والتلكيح ... والبني خارج المخطط .

ثلاثة تسبب الإحباط : الواسطة ... و الديون ... والمنتخب الليبي .

ثلاثة يرفعوا الضغط : الملح ... وزحمة المرور ... والعيل كان حشش .

ثلاثة تسبب الغرور : الفيلا ... والهمر ... وبدلة الحرس البلدي .

ثلاثة مايحبوهمش الليبيين: التعليم ... و المصريين ... والشبشب المقلوب.

ثلاثة ما يرقدوش الليل : المديون ... والخانب ... وواحد نايضة عليه السوسة .

ثلاثة شبه اختفوا من ليبيا : الدلاع الطويل ... واحترام الشيابين ... والفراشية .

ثلاثة ما تحسش بطعمتهم الا في ليبيا : شاهي العاله... وامبكبة على الحطب ... والبورديم .


ثلاثة ما تستغربهمش في ليبيا : واحد قاص السريع على رجليه ... وواحد يسوق في الاتجاه المعاكس ... ومتعين وعمره عامين.

ثلاثة تتمنى ما تتصبحش فيهم : سواق افيكو مستعجل ... وطابور طويل في الشيل ... ومديرة المدرسة وفيدها عصا.
ثلاثة ما تعرفش أمتى تخشلهم : السجن ... والمستشفى ... ومكب القوى العاملة.
ثلاثة ما ليهمش معنى إلا في ليبيا : العسلوز ... والزميطة ... والعصبان .
ثلاثة ربي يفكك منهم : مجاري مفتوحة ... وكلب مطلوق ... ورشادة طايشة .
ثلاثة إيديرو فيهم الليبيين بس : السواقة في الأحمر... والدفال على رأس بمبلي الغاز ... وتنفيض فرشة الماكلة من الروشن.

هههههههههههههههههه
وثلاث فيك موش عاديات
مواضيع منوعه . حضور دائم . موفقه دائما في الاختار

فكنا من المجاملات يا بواللافى موضوع مكرر يا غالى

مشكور يا استار