قالك خارج المخطط

رفضوا الطلاق لأنه متزوج خارج المخطط

مافيش مشكله ياخذ تكسى ويخش المخطط ايطلقها ويرد

وهذا حالها كلها ياليد

الناس تكتب علي شي جد جديد او ظاهره جديده او مشكله ماكنتش قاعده وبدت تظهر
لكن موضوع خارج المخطط وازمه السكن وافريات جماعه المرافق وشله السراقه الي ماسكينها هذي موش جديده من اول ما اوعيت علي الدنيا وهي قاعده
اهوا عندنا في بنغازي شوارع اتراب وخربات وفي اراضي بره بنغازي شروهن سين من الناس برخص التراب
وقسموهن و وصلهن ضي وميه ودايرين عليهن طريق وبتصريحات من المرافق الي هم اصلن من ضمن الشله ويبيعو فيهن بي ارقام فلكيه
وكيف ماقتلك في نص بنغازي وماعندنش اميه ولا طريق
الي كانت ادير فيه الدوله توا ايديرو فيه برواحهم ب لحسابهم الشخصي وبي اموال الدوله
من هم شله السراقه هضوم
هضوم يا سيد الي حطيتهم انا وانت وصعدناهم وضربنا عشان خاطرهم
المهم خليطه ياويلهم من ربي يمهل ولا يهمل