رفس النصيحة....!!!

من طرف دلع ليبيا 2010-09-25, 11:46 pm

رفس النصيحه .

السلام عليكم ورحمة الله وبركاته

اللهم صل على محمد وعلى آله وصحبه أجمعين

كيف حالكم اعضاء منتدي عيت ارفاد الطيب

بنتكلم علي اهم نقطه في نظري من بين النقاط الهامه في حياتنا والتي تتوقف

عليها تصرفاتنا وافعالنا من صباحنا الي مسائنا , وهي النصيحه وكيف نقابل النصيحه

للاسف شبابنا

شباب مجتمعنا من الجنسين اصبح من العادي جدا ان يرفس النصيحه المقدمه له

في وقت اصبح من يقدم هذه النصيحه قليل وقليل جدا

في وقت نقصوا فيه اصحاب الكلمه الطيبه والحكمه في القول والكاتبه البناءه

ومن هذا القليل عندما يقدم النصيحه لا يلقي لها اقبال ولا حتي مجرد اهتمام

ولو كان هذا الاهتمام بسيط جدا من بعض النفوس الحيه

نطرح لكم بعض الامثله

- لما تلقي شاب امقوي مسجلة سيارته وشكله زي البنت حاشا التريس منه
وتقولي ياخوي هكي غلط ووووالاخ من الكلام الطيب يرد عليك باستهزاء ويقولك ......

- لما تلقي شاب التلفون علي وذنه كل ماتشوفه وهو طول النهار يرغي مع البنات
وتقوله ياخوي هكي مايجيش منه وبنات الناس زي خواتك ,حافظ عليهن للاسف
يرد عليك اني خواتي شريفات وبرا امشي ...............

- لما تلقي عضو او عضوه داير في توقيعه صوره مفتنه لفتاه متبرجه او فنانه شبع عاريه
وتراسله وتحاول تنصحه بالطيبه يا خوي في الله او اختي في الله غير توقيعك واتقي الله في نفسك وفي غيرك من الاعضاء يرد عليك وللاسف بامشي .......

وغيرها امثله عده نترك المجال لكم للاضافه

هذا وقتنا ,وقت غريب , وقت عجيب , كل يوم نسمع ونشوف مايدمر عزيمتنا للاستمرار

اصبح البعض يرفس النصيحه بالاساءه والطرش

اصبح يرد علي الكلمه الطيبه بالكلمه الســيئه

اصبح زمن اللامبالات في التصــرفات و الافعـــــال

لكن اهم حاجه اني لايأس مع الرفض لنصيحه

ومادام الانسان حي معناها النصيحه مستمره حتي مماته

موضوع يستحق مناقشته منكم انتم يا اصحاب الاقلام الرنانه في النقاش والحوار

موفقين