لعبه التراث الشعبي وحل الالغاز

خطرت في بالي هاللعبه وان شاء الله تعجبكم وهي لاحياء تراثنا الشعبي وتعلم معاني الكلمات القديمه فهي لعبه وعلم في نفس الوقت

مقصود اللعبه هو ان واحد يقول كلمه قديمه ويحاول الاخر الاجابه عن معناها واذا كانت الكلمه صعبه يكون محاولة تسهيلها في بيت شعر او اي شي يسهل

مثلا فيه قصيد ذكرها خوي المنجوه في هذا النتدي الا وهي
بــيـــت حـــزيـــن الــتــالــت فــيــهــن.....عـــشـــريـــهـــن دارا مـــقـــفـــولــــة

لــــطـــــن لــلــغــيـــر قــســامــيــهــن.....ســايــلــهــن ســــايــــق مــرحـــولـــة

لــــنــــظـــــار ادردر مـــاقـــيــــهــــن.....واديــــهــــن جــــــــارف بــســيــولــه

يــنــهــالـــن ويـــــــــن انــعــزيـــهـــن.....بـــكـــايـــات بـــــكـــــل ســـهـــولــــة
فماذا تعني كلمة ماقي فالبيت(الانظار ادردر ماقيهن) الماقي هو فالهين مكان ما يخرج الدمع والانحناء الي تحت الجفن

ان شاء الله تكونوا فهمتوا اللعبه
يلا نبدا

فيه غناوه تقول
كلا مطايري تزنيق........الياس ما جلا نين عججت

شن معني مطاير؟

مشكور عاللعبة بالنسبة لي ما نفهمش فيهن بكل

اعتقد انها الزرع